tgoop.com/Omwiessam/677
Last Update:
مجلس نعي كامل ( لوفاة السيدة زينب ع )
.....................
آهٍ على الزمانِ إذا قسى
فأنه أبداً تراه يرحمُ
يجور و تجور ايامه على
كل غريبٍ و آهٍ لو يظلمُ
حزناي
خلص گلبي تراهو بكثر حزناي
و ابد ما يوم خف يا ناس حزناي
زماني شكثر بالغالين حزناي
كلهم راحو من أيدي سويه
وناي
انه الما هودت فد يوم وناي
الحزن رافگته من اصباي وناي
و ابد ما برد گلبي بكثر وناي
اجاني الموت منهو ايون عليه
من عادت الحرمه اتموت يمها احباب
تون يم راسها و تبجي بمهضمية
الليله ام الخدر بس علي السجاد
و عبدالله يون و الروح مگضية
محد اجت ليها و لطمت اعله الراس
و تغسل اجنازة الحرة ابعدالية
غريبات الأجنها و مشن يا حيف
و شمرنه الجفن سوده عليه
نخاف من المرض مسلوله گالن اه
و هاي اثارها من اسياط اميه
غريبه و بالغرب وين الاحبايبات
يغسلنها بدموع العين مجريه
ماتت بتت علي وين الامشيعين
تهوس عالنعش و تزته ظهريه
محد حضر زينب دفنها
و ضلت اجنازتها ابحزنها
وين الاحباب اليوم عنها
محد حضر يمها و يودع
و يتنگب اعليها و يشيع
و اگبال الخلك واليها يطلع
ياناس زينب هالتوفت
محد اجتها و ليها لطمت
و يم راسها تنتحب ضلت
اليوم الحزينه ما اجوها
اخوانها و لا شيعوها
شحلاتهم لو يحضروها
اليوم الكفيل اتريده اخيته
ايشيلها بذنيجه اديته
و بالگلب متوجره حسرته
منهو الذي يمشي و يگلهم
زينب گضت و رايدتهم
و تجيبهم و الله حميتهم
يهل الحميه كون تدرون
نفضو الترابه و لحگو ام عون
ماتت و ماعدها اليشيعون
ضلت اجنازتها غريبه
و العابد امكثر نحيبه
غسلها بدموعه السجيبه
غسلها بدموعه الجريه
و گللها ارتاحي المسيه
يلي شبعتي مهضميه
-------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://www.tgoop.com/Omwiessam
BY الشاعرة رغد ام وسام
Share with your friend now:
tgoop.com/Omwiessam/677