tgoop.com/Omwiessam/674
Last Update:
قصيدة فزاعية ( لوفاة السيدة زينب ع )
.....................
بت حيدر بقت بالغربه مطروحه
و السجاد يمها امفرفحه روحه
و لدروب الاهل اعيونه مشبوحه
*نزلة القصيدة*
🙅🏻♀️
مطروحة بقت و اتريد دفانة
الجنازة ضالة و ما يمها عوانة
بالگاع الجنازة اتريد الايدفنون
يشيلوها و عليها امنگبه ايونون
وين احبابها خلي تجي ايشيعون
ماتت بالغرب زينب و ضهدانه
عوانة الجنازة اتريد بالدفنه
تبجي عالحنينه و تجهر الونه
اليوم ام الخدر رادت للامجنه
يشيعها بحزن و الروح لهفانه
شمحلاته الاخو يمشي بنعش اخته
امنگب و الاعيون الدمع ذارفته
ثگيل امصابها و الفرگة هاضمته
و يگول افراگها يوجر و كسرانه
خلي ايگول خويه افراگج شصعبه
و يهوس عالنعش و المدمع ايصبه
هاي ام الخدر هالگضت متغربه
غريبه و ماكو يمها اخوان حزنانه
شكثر رادت يجوها اخوان تحضرها
الليله من گضت مكسور خاطرها
ابطلاع الروح محد اجة ايصبرها
توفت عمت عيني شلون ركدانه
-------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://www.tgoop.com/Omwiessam
BY الشاعرة رغد ام وسام
Share with your friend now:
tgoop.com/Omwiessam/674