tgoop.com/MuhammadAlush0997/1289
Last Update:
انتشر هالفترة رابط بقول:
“هدية 17$ + 170,000 ل.س مجاناً من Sham Cash”
وعاملين صفحة شكلها رسمي، وجدا شبيهة بموقع شام كاش والرابط:
https://tonfree*serv00*net/Sham*Cash/
1️⃣ هي الطريقة اسمها تصيّد (Phishing)، يعني الموقع مبرمج لحتى يخليك تدخل معلوماتك أو توصّل محفظتك، وبهي اللحظة بيصير عندون صلاحية يسرقوا رصيدك كامل.
هي أحد أساليب الهندسة الاجتماعية Social Engineering
يعني بمجرد دخلت بيانات مباشرة بتروح لعند الهكر مو ع الموقع الرسمي لشام كاش
2️⃣ أحياناً ما بيطلبوا منك مصاري مباشرة، بيطلبوا بس "توقّع" عملية أو "تربط" محفظتك. التوقيع مو شي بسيط — هو بيعطيهم صلاحية يسحبوا عملاتك بأي وقت.
3️⃣ بيستعملوا دومينات غريبة (متل serv00.net) أو صفحات مستنسخة ليضحكوا عالعالم. شكل الموقع مرتب بس من جوّا كله وهم.
عاملين ضغط نفسي بالكلام: "العرض محدود، لحق حالك". هي أداة كلاسيكية عند المحتالين.
👨💻 النصيحة:
لا تدخلوا عالرابط ولا تعطوا أي بيانات.
ولا تنجروا وراء العاطفة والمفاجات الوهمية
خلونا نوعّي بعض ونوقف هيك نصب. شاركوا التحذير قبل ما حدا غيركن يوقع بالفخ.
www.tgoop.com/MuhammadAlush0997
تابعني على :
Telegram | instagram | facebook | Twitter | YouTube
