tgoop.com/MuhammadAkbarAzim/972
Create:
Last Update:
Last Update:
***
Бош қўя олмасман,
кўксинг — дор, кунда,
Ҳеч раво кўрмадинг ўлимни, раҳмат.
Сен кеча эрсираб чиқардинг тундан,
Мен бугун шеърсираб чекарман заҳмат.
Тушун, сен — хаёлан таланган ўлжам,
Тушун, сен — кўксимга тегмаган бир ўқ.
Энди бу шаҳарнинг кузлари ўлган,
Энди бу шаҳарнинг баҳорлари йўқ.
Бош олиб кетолмам, бўм-бўшдир халтам,
Эслайман, ёдимдан кетмайди ҳузун —
Қип-қизил кўйлагинг қўлимдек калта,
Ёйилган сочларинг тилимдек узун…
Кунингни кўрарсан ёлғондан яшнаб,
Ўзингни бахтли ҳис этарсан, майли.
Энди бу шаҳарда бўлмайди яшаб,
Энди бу шаҳарда ўлиб бўлмайди.
2022
Дўстим Ҳумоюн Фаттоҳнинг шеъри
BY Муҳаммад Акбар Азим 🔻
Share with your friend now:
tgoop.com/MuhammadAkbarAzim/972