tgoop.com/Mohammed_Hassan/771
Last Update:
شهادة مولانا الحمزة عم الرسول
يبو يَعلى وحلى حجي الرجوله اعليك
اسـد الله ورسـولـه الـدايـس الصحره
يـصـيـاد الاسـود وغــيـرك يـحـلمـون
يـصـيدون الحـمـامه الحاطه بشجره
تـطر الغـابه وحـدك شـرط نص الليل
وتجي امحمل اسود وتصهل الشگره
حاشه تصيد صيده وصايدتها الناس
يـالـمـعـلـم تـصـيـد الـصعبـه والحره
الك صولات وكت الحرب معروفات
سـيفـك جـان مـاخـذ عالزلم شمره
وجف عندك ثگيل ايخـنث الشجعان
سوه اوجووه قاده من الرعب صفره
ابو جهل بسطرتك ضل جليس الدار
تـعيـره الـوادم اشـمـا يـنلـــمـح بــره
گـالـو خده ضـل احـمـر ثـلـث تـيـــام
دخيل الله ودخيلك شنهي من سطره
لذلك وحشي مـن صابك .. غدر مولاي
لـو جـالـك امگـابـل جـا خــذت عـمره
جـبـيلـك بالـحـرب مـذبوح لو مذبوح
مـاكـو اي حل وسط يـتـخـيـر بـامـره
ولكن عمت عـيـن الدنيـه مـن اتـــدور
والـحـمـزه بعـظمـتـه يـنطـعـن صــدره
يمر النبي بــدارك ماكو حـس وصـياح
الحـمـزه ولا بواكي اعـليـك يـــاكسره
ولكن بـاجـي الـك طـه وعـلي الكـرار
اليـبجـيـله عـلـي .عـالي الشرف قدره
(ومــن تـربـة ضريحك سبحة الزهراء
يعني اسمك الحمزة وسبحة الزهره)
دخيلك يمن بيك انـتخه داحي الباب
واااحـمـزه يـصـيح بســاعـة العصره
وهـم انـتخـت بـيك بـكربلـه الحوراء
عـالـتـل ظهر عـاشـر صـاحـت الحره
واحمزتاه صاحت شوف حال احسين
طـايـح عـالـتـراب وفـرهـــدو خـدره
ابو حميدة الشويلي
اللهمَّ بدموع مولانا رسول الله على عمه الحمزة
وبمسير مولاتنا الزهراء الى قبر الحمزة
عَجِّلْ لِوَلِيّكَ المُنتَقِمِ الفَرَج
BY ابو حميدة الشويلي
Share with your friend now:
tgoop.com/Mohammed_Hassan/771