tgoop.com/Mohammed_Hassan/769
Last Update:
#يوم_البقيع_العالمي
يابو صالح اهلك ابلايه قبور
ومن بعيد ايسلم الرايد يزور
نــدري ثارك مايضيع
وتنبني اگبور البقيع
............................
والله غــربه بــالبـقـيع او لا مثــلـها
اگــبور ائمه بــس تراب اشلون حلها
اتهـدمـن بــس ماكــو واحد يفزعلها
وهيه دوم النايبه اتطيح اعله اهلها
الناس يامولاي غالبها السكوت
وانت يوميه بحزن گلبك تموت
يالحزن گلبك فضيع
وتنبني اگبور البقيع
.........................
احجار وسفه اگبور ائمه شهالمصيبه
وهـذا حگكم نـدري بس انت تجيبه
هــاي فـزعـه والــفزع طــاهر حليـبه
والسكـت عـن الظُلامه بـروحه عيبه
عدنه وادم عله كلشي يدافعون
ومن تگلهم عالبقيع.. ايمـانعـون
والوضع جداً وضيع
تنبني اگبور البقيع
......................
الشيعه مو بس بالحجي .بالفعل شيعه
وياهو حــس بالنـايبه وينـعه الفجيعه
اقـــبـور سادات الخلق ولــد الوديــعه
اتهــدمن محــد حــجه وطالب بقيعه
الكل قضية ايدافع ودم گلبه حار
وعالبقيـع ابروحه مامــكتوب ثار
(البعض) ماگول الجميع
وتنبني اگبور البقيع
......................
اطبگ اعيوني واشوفنها ابخيالي
لا مـنـايــر لا قبــب بـيــهــا تلالي
بــ منظر اقــبور الائمة احتار بالي
وجن ونين امن البقيع بصوت عالي
صوت حرمه اتطيح وتگوم وتصيح
ليش بس اولادي مـا الهم ضــريح
بجاهي يارب ياسميع
تنبني اگبور البقيع
...........................
جنه عاشر كربله وعّود علينه
ذكرة هدم اقبورهم كثر بجينه
اگلوبنه الليله مشت صوب المدينه
اتصيح گبر ام الحسن يالمهدي وينه
انگول اكو اترابات يلمحها اليزور
لجن گبر ام الحسن مامنه نور
امصابها ايشيب الرضيع
وتنبني اگبور البقيع
ابو حميدة الشويلي
اللهم عجل لوليك المنتقم الفرج
https://youtu.be/z-LXYE163Bs?si=0j-uiPOl5SW_VqTs
BY ابو حميدة الشويلي
Share with your friend now:
tgoop.com/Mohammed_Hassan/769