tgoop.com/Mohammed_Hassan/768
Last Update:
ذكرى تهديم قبور ائمة البقيع عليهم السلام
حزن البقيع بروحي ثاره
و رخص دمعتي من هظمته
الساداتي امنيتي زياره
جبت العمر يمته اعله يمته
امنيتي اهناكه
يم الحسن مولاي اهل دمعه
وكون الزيارة ابليلة الجمعه .. الجمعه.
الزم شباكه
هذا الجرح بضلوعي مايشفي
شباك ماكو شلزم ابجفي؟ .ابجفي
هاجن حسراتي .. ياگلبي ابجي الهظم ساداتي
...................
اقـبور الائمة ابلا مــنــايــر
جدهم رسول الله المصيبه
مـاكو حجي يلم المشاعر
واقـبــور سـاداتـي غريبه
عاشو بالغربه
وماتو غريبين ابمـدينـتهـم
ولگبورهم هالناس لحگتهم . لحگتهم
التهظم والصعبه
المــيت اله حرمه يـهالــوادم
ومحد رعه حرمة بني هاشم .. بني هاشم
بحزني وصرخاتي .. ياگلبي ابجي الهظم ساداتي
...............
الرايد يزور ايـأشرلــهـم
امن ابعيد ويأدي الزياره
يمنعونه حته ان يشمهم
هذا الجرح اذه الغـياره
امن ابعيد اتأشر
ممنوع تدخل تهمل ادموعك
وشيصبره المضموم بضلوعك.. بضلوعك
شتشوف وتصبر
الگبر الحسن صورة جرح تهظم
ويمه الزجيه گـاعــده وتــلطــم ..وتلطم
تنحب مولاتي .. ياگلبي ابجي الهظم ساداتي
...............
اتخيل ابالي وابقه ابجي
صورة مراقدهم حزينه
حيره يگلبي شرايد احجي
طف ثاني صاير بالمدينه
ابجي المأساته
السجاد من حرگو علي خيمه
وهسه ضريحه اتراب بالهيمه .. بالهيمه
وعالجرحو ذاته
الباقر الشاب امن اليسر رمشه
وگبره خرايب صار هم وحشه ..هم وحشه
الهم اهاتي .. ياگلبي ابجي الهظم ساداتي
................
ياگلبي حملني بواجي
يمهم اذب اعيوني رايد
ياوسفه حلوين المحاجي
ترابات ماعدهم مراقد
للصادق حزني
المحترگ داره وانكسر صبره
وانوب اجو هدمو علي گبره .. ياگبره
اهاتي و وني
لام البـنين الهـظمـه تاخـذني
ماعدهه گبه ولا گــبر مبــنــي .. ياحزني
ايهلن دمعاتي .. ياگلبي ابجي الهظم ساداتي
ابو حميدة الشويلي
اللهم عجل لوليك المنتقم الفرج
#بناء_البقيع_مطلبنا
BY ابو حميدة الشويلي
Share with your friend now:
tgoop.com/Mohammed_Hassan/768