tgoop.com/Mohammed_Hassan/761
Last Update:
شهادة مولانا امير المؤمنين عليه السلام
الـحزن رافگني للشباب
تـوالم عمـري والـعذاب
بجيت وگلبي احسه ذاب .. من المحن
فگدت امي وانه بصباي
انتـهيت ومابقالي راي
ويوميه الصــبح نداي .. يم الحسن
فـــراگ امي كــسر گلبي وخـذت ويـاها عافيتي
وهسه انوب اجاني افراگ ابوي وهد سگف بيتي
اعيشن عمري هم واحزان واضل منتظره تاليتي
راح الجان .. فَي خيمه
راعي الصيت .. والشيمه
هذا امصاب .. ياخذني
للصيوان .. والهيمه
اللهم عجل وفاتي
شالو نعشه وانه اصيح
بــويه يا علــي واطيح
وگلبي بحسرته جريح .. اه ياعلي
خلاني بجــرح جبـيـر
وحگه الماله ابو يحير
بيمن بله يستــيـجـر .. الماله ولي
راح الـمـاكـو بـالـدنيـه ابـو شـايـل مثل عطفه
شـال وضـلـت ابـنيتـه على الـهـم والدمع تغفه
بـوداعـه احـتـرگ گلـبي ومـاضنـه بـعـد يـطفه
بالتابوت .. عــايـنتـه
ضگت الموت .. من شفته
راح اوياه .. كل حيلي
وعز ايام .. فارگته
اللهم عجل وفاتي
مجانه الخالي من اشوف
اضــل بـدمـعـتي اطـوف
وجــرحي مـايفيده روف .. جرحي البُعد
يتيمه وحالي ماهو حال
اعــيش بكــلمــة التعـال
واسـمع وكـتـي ليه گــال .. لا مايرد
اشتاگيت العلي وصوته واعـيش بواهس املاگه
بــس ادري انــه راح ابـقـه انـوح و ابـجي لفراگه
اليوم ابيـتي اجري ادمـوع بس باجر على الناگه
باجر نار .. بخيامي
راح احتار .. بـ يتامي
يمي اتطوف .. عدواني
وين اندار .. گدامي
اللهم عجل وفاتي
الوكت كاتبلي ما اهيد
وني وحسرتي تــزيــد
يوميه بجرح جــديــد .. وانزف صبر
مــاكــو لـحـظــه استراح
وكــلشي يخصني مني راح
انــه وحـزنـي والـنـيــاح .. اگضي العمر
يـومـيه بحـزن روحـي وابـد مـاكـو وقـت راحه
الــوكت ناوي بحرب ضدي وعليه رافع اسلاحه
وطــولـي الـمـابـشـر شافه ظهر عاشوري ذباحه
امشي ابنوگ .. مكشوفه
وبيدي احباال ..مجتوفه
وراح يضيع .. كل خدري
بين الشام .. والكوفه
ابو حميدة الشويلي
اللهم عجل لوليك المنتقم الفرج
BY ابو حميدة الشويلي
Share with your friend now:
tgoop.com/Mohammed_Hassan/761