tgoop.com/Mohammed_Hassan/750
Last Update:
انه بعـاشر الـهـم صرت كــلي حسـره
وگـع حامي خدري الذي دگلي صدره
واخـوي الوحـيـد الهظم حاني ظهره
غريب ايتلفت لــحـد هــسه اذكــره
گـدامي صـارت هـــاي
ابـن امـي يـطلـب مـاي
تالـي انذبح عطـشــاان
وضل خصمه رايح جاي
ذبـــحــووو گدام اعــيوني
لا رحـمــوه لا رحـمـــونـي
بـــت الـــزهره وهــظموني
اخيالي الماواحد مره
شافه ولا عين اتنضره
شافو هايم بالصحره
......................
انـه بـت مـضايـف گـعـدت بخــرايب
مـصايب تفـكني و اطيح بمـصـايـب
العـجـايب شفـتهن جمـيع العـجـايـب
عگب ذاكه خدري اسيره اويه اجانب
ماكو اقسى من هالحال
زينب .. بديها احبال
و بت حيدر اسرناج
كل ساعه شامت گال
المكفوله ابشارب كافل
ماتحـمل جلـمه عـــاذل
واللـسان الغربه الطايل
التنهي جـانت والتـامر
ايمـشيهه ابرايه الكافر
اشسوه بزينب يالعاشر
......................
السبي مره وحده واخذ كل حياتي
سبـي ثاني اجاني وجرح ذكرياتي
مـشيت اعل هزله وبجيت الغلاتي
وبـعد هـاي هـيه .. اريـدن مـماتي
ياموتي جــا شتان؟
ضيم الگلب خلصان
ادعــي امــوت اولااا
هــم ادخل الديوان
ياموت استعجل بـيه
بس خل ارتاح اشويه
واخـلص من المسبيه
بهاي الديره المكروهه
زينـب خـل يـدفنوهه
و لاتدخل ويشوفوهه
...........................
اخير امنياتي اخو اگبالي گاعد
ردتهم يجوني ..ولاجاني واحد
يـنـار بـدلـيلـي تـصفن المواگد
الدهـر يم عدونه يموتني رايد
مـو همي والله الــمـوت
بس گلبي صاح ابصوت
اشمحلاها جف عــبـاس
مـن يحـمل الـتـابـوت
انه امربيـته وردتـه
يحضر ويشيع اخته
ولــو مايگدر عاذرته
لتموت ويـمهه اخــوتها
اتصير شمحله اجنازتها
كــون العــباس ايـدزتها
.......................
ابو حميدة الشويلي
اللهم عجل لوليك المنتقم للفرج
BY ابو حميدة الشويلي
Share with your friend now:
tgoop.com/Mohammed_Hassan/750