tgoop.com/Mohammed_Hassan/749
Last Update:
مــوتـي ياروح
بـســج اجروح
المن اتضلين عدله
احسين مذبوح
اخلاف اعيون الاحسين
يــروحي المــن تعيشين
....................................
مــوتي يــاهالروح مـاضلـج اخو
سنه ونص وانتي يـم وادم عدو
المن العيشه يزينب كــافي ضيم
اتمرمريتــي هــواي لا ام لا ابــو
المن العيشه بعد
وانه من بلد البلد
و راح المدلل خواته
ولابقه عندي ولد
وعگب الحسين
لا تـــــضـــليــن
يوم عاشر كون ميته
بــالصــواويين
مـــن شـافوني بالعين
يروحي المن تعيشين
....................................
راح اغـمض عـيني وانـه امعلعله
وسبـب موتي من مصايب كربله
الهسه جفـي ضال بحـسره وداع
وگلـبي شــايل ضيم محد شايله
گلب شيصير الگلب
شاف اهله اعالترب
خزن اجروح ومصايب
ومشه گوه اويه الغرب
گلبي شيصير
بيــمن ايحير
گلبي مكسور بمصيبه
وماله تجبير
مــاظلت صــواويــين
يروحي المن تعيشين
....................................
راح اموت ومــاكو صايح لا بجي
وبعده يلجم بيـه كل ذاك الحجي
راح امــوت ومـاكو يم بابي فزع
ولامتن من اخوتي اعلي انتجي
روحي منتظره الگمر
وذبل اعيوني السهر
مثل المضيعه ابنها
وعايشه اتأمل خبر
اقنع اشلون
مايرجعون
لا بو لاكبر لابو فاضل
موتي يم عون
مـوتـي ولا تـتـانـيــن
يروحي المن تعيشين
....................................
هالــگضت خمسين عمـري ابلا وطن
وگلبي بمصايب هلي الصعبه امتحن
وانـه الـمثـلي اشـلون تــرتاح اوتهيد
وعـدهــا اخــو مدفون عاري بلاجفن
اخــو مــافــوگــه لبس
صهرته اسموم الشمس
صوره ما فارگت عيني
وانه اون من ذاك امس
اشلون ارتاح
وينسي الراح
و روس اخوتي اگبال عيني
فوگ الارماح
جــا شـكثر تـشـوفين
يروحي المن تعيشين
....................................
جــنت اميره وعـايشه ابعزوة هلي
ولـــو طلـبت اخواني ابشري ادللي
هسه احجي ويرجع الصوت بصدى
وراح امـوت ابديره تحقد يــا علي
دنه من يمي الاجل
من هلي محد وصل
صعبه من ابقه وحيده
وانه بت اعظم اهل
الوگفة اعزاز
نعشي معتاز
وانا اخر امنياتي
اخــو جناز
نعشي احــتاج جفين
يروحي المن تعيشين
....................................
ابو حميدة الشويلي
اللهم عجل لوليك المنتقم الفرج
BY ابو حميدة الشويلي
Share with your friend now:
tgoop.com/Mohammed_Hassan/749