tgoop.com/Mohammed_Hassan/739
Last Update:
شهادة ام البنين عليها السلام
ماتت التنعى على احسين ابگلب
بـالگُبر واعيـونها امغمضه وتصب
تهمل ادموع الحزن من غمضت
بالگـبر وام البنين اعليـه بـجت
مانست حزن ابو الاكبر مانست
نعت لحسين و اهي تحت الترب
راحــو الــها اربــع ولـد ويــن كلف
اتصيح فدوه لسيدي لو عندي الف
ادمـوعها الفـگد ابـو الاكبر ماتجف
بالوفاء اعظم مثل من تنضرب
تانته اشگد تانته بس مـارجــع
والصـبر لـفراگـه مـا فـاد ونـفع
شلون من گلوولها نحره انگطع
والضعن وي الغرب گاطع درب
اربع اسنين انڰـضن لــوعه وبــجـــي
والحجي بس وين ابو سكينه الحجي
مــن مــــرار اغـيابـه ظلـت تشـتـجي
صعب فگد احسين والزهره صعب
مــاتــت ومايمها بـت لا يمها ابن
گضت من كثر المصايب والحزن
عــگب ابـو السجاد اهون تندفن
ولا تظل امدوهنه بشوگ ورعب
غمضت عالضـيم والهم والقهر
خلصت من البجي ومن السهر
جلمة گالت من حزنها ام الگمر
ابدار مابيها الحُسين المن اطب
الماخذوها اوياهم بذاك الضعن
مــا اجــوها وحضرو الها جفن
ولا حدر رجليها ابن ون وحزن
والبواجي من الغرب ماتنطلب
غسلــوها وجنها صاحت بالمله
ليش جسم احسين محد غسله
اخذوني يمه اتلث ليالي بكربله
كون اضل مثله جسد فوگ الترب
ابو حميدة الشويلي
اللهم عجل لوليك المنتقم الفرج
BY ابو حميدة الشويلي
Share with your friend now:
tgoop.com/Mohammed_Hassan/739