tgoop.com/Mohammed_Hassan/738
Last Update:
#الليالي_الفاطمية
اول ظلــم مــنا بــده .. من غمض اعيونه الرسول
التـمو على بابه العده .. وحـرگوه عله بنته البتول
نـار ومشت بـين الخشب
شــاعلها ابــن المالــه اب
والـزهــره بالباب انـحنت
وبغض بعلي جان السبب
الباب المُقــدس
من نذل تاليهه يـُرفـس
حـاقد وعالعتبه هـوس .. ااااه
گام وسطرهه
وانجرح خدهه وظهرهه
واضلت اتـنوح بـقهـرهه ...ااااه
كسرو ضلعهه وانرمت فوگ التراب
باب الله هيه وانـدفع فوگـاهه باب
.........................
تــلـث مـيه مـابيهم شـرف .. هجمو عله بيت العفاف
بخيول واسياط وحطب .. وگفو عله الباب استطفاف
هــدو عله الزهـره بحطب
لاغــيـره عدهم لاكــو رب
كسرو ضـلعهه بــالهجــوم
وخد فاطمه ويلي انضرب
حرگووه عليهه
الباب.. واتعاله بجيهه
وانجوت بالنار اديهه .. اااااه
اااه ياحزنهه
فـاطـمـه ذبـحـو ابـنهه
محسن الدمه بحضنهه .. ااااه
مذبوح ابنها وصارت اتگوم وتـطيح
رادت تشيله بس ضلع عدهه جريح
...................
كـســـــرو ضــلـعـهـه والــورد .. ذب لونه يم باب الحجاب
اليرضه الله من ترضه صفت .. تبجي وتون فوگ التراب
من عصرة الثاني النذل
بحشائها ماضل الحمل
وهيه المصيبه عالامير
من بيته ماخوذ بحبل
ااااللهُ اكبر
ينجتف ياوسفه حيدر
الناصي عل عالي تكبر .. اااه
اااه يالصميده
شافته امجتفيهه ايده
طلعت وصاحت اريده ... ااااه
طلعت وراهم والگلب من حزنه شاط
اتـريـد الصـميده وردو اعليهه بسياط
...................
وزينب تشوف اللي جره .. وتتحمل اهموم الزمن
وبـاجـر تـضيع ابـكربـله .. هيه وبنات ام الحسن
من هالمصيبه اللي جرت
زينب بـعـدهـا اتيـســرت
باب الزجيه امن احترگ
اخـيـام العقيـله وجــرت
من طاحت امهه
وابتـدت قـصة هـظمهه
وباجر اتماشي خصمهه .. اااااه
ايذبحون اخوهه
وبني هاشم مـــا يجوهه
وراحت برفجة عدوههه .. ااااه
مـن انـكسر بـالـعصره ضـلع امهه البتول
انكسرن ضُلوع احسين اخوهه بالخيول
--------------------------------------
ابو حميدة الشويلي
اللهم عجل لوليك المنتقم الفرج
BY ابو حميدة الشويلي
Share with your friend now:
tgoop.com/Mohammed_Hassan/738