tgoop.com/ML_mahhde/12187
Last Update:
[[لا تجينه]]
لأستقبال شهر محرم الحرام
لا تجيــنه يامحـــرم لا تــــجينه
هو فگد امنه وابونه شخله بينه
جاي تاخذ حتى اخوتي
والغرب تستــمع صوتي -- لا تجينه
◽◾◽◾◽◾◽◾◽
هو بينه شــباقي يا شهر الهــضم
حتى رايد بــــيه زينـــب تنضـلـم
لا يضل چف بيــك لا يبقى عضم
الفاگد اهله بعد من دمعه شيضم
بالمناحه راح اخلـــــص باقي دربي
مني راح تروح اخوتي ونبض گلبي
بيك يگرب ليه مـــوتي
والغرب تستــمع صوتي -- لا تجينه
◽◾◽◾◽◾◽◾◽
بيك راح نشـــوف انــــواع الضمه
ضمه الماي وضمه اخواني النايمه
وضمـــــه اطفــال البالبراي هايمه
ليش هيچ يصــير يمـــــه فاطمــه
الرباب تنـوح وتون فاگــده
لفرگة البالمــــهد ما متعوده
ومحد اليسمــع نخوتي
والغرب تستــمع صوتي -- لا تجينه
◽◾◽◾◽◾◽◾◽
بيك ابو فاظل يــروح ولا يــرد
وراسه بالعامــود ويلي ينـــمرد
حسين يتخوصر عليه وينضهد
مثل اخونه واحد ولا ينــــوجد
يصيح ودموعه اعله خده مچلبه
الســـلام اعله الخيــام اللاهـــــبه
وسفه ما صارت منوتي
والغرب تستــمع صـوتي -- لا تجينه
◽◾◽◾◽◾◽◾◽
والاشد ياشهر لو شفت الصــدر
فوگه تالي الوكت يتــربع شمــر
والخيول تجول والدنيه ضهـــر
وتوصل اضلوع الولي يم الخدر
اعمامته انداست واهو بدمه نگـع
اسهامه ما تنعد علـــى الرمله وگع
ترضه نوحي اعله كل قوتي
والغـــــــرب تستــمع صوتي -- لا تجينه
◽◾◽◾◽◾◽◾◽
ياشهر اكثر بعد گــــــول شــتبي
مستحه مامــش من اعيال النبي
تحترگ خيمه وعلاوي وهم عبي
وفــوگ هذا نــــروح باچر للسبي
اخ يا شهـــر الحزن والنايـــــــحه
على اخواني انصب شچم فاتحه
راحو الچانـــــو سلوتي
والغرب تستــمع صوتي -- لا تجينه
◽◾◽◾◽◾◽◾◽
عبد العليلـه
✍حيدر ابو كيان الفاطمي https://www.tgoop.com/ML_mahhde
BY قصائد والحان الرادود مهدي الزينبي
Share with your friend now:
tgoop.com/ML_mahhde/12187