tgoop.com/Literary_R_T/5194
Last Update:
طريقة تسهيل دراسة مادة الجغرافية
لكل طالب ادبي تقرأ الي كتبته متعوفون اي حرف من البداية الى النهاية ☹️
الموضوع /
الجغرافية هي اكثر مادة كرهتهه اني وماعرف شون اقراهه وما انسه 😭😭😭
شلون تحبوهه؟
شلون تقروهه؟
اول معلومة لازم تعرفهه وتعرفيهه انو الجغرافية مادة (علمية)
شلون يعني علمية وشأقصد بيهه؟
اولاً موادهه والمواضيع علمية وتلكوهه اغلبهه بنشنل جوكرافك + يعني موادهه تُفهم بعدين يلة تُدرخ مو درخ درخ كله غلط
يعني النظرة والفكرة الي ماخذيهه للجغرافية غلط انو هي فقط مادة درخية وماتحفظ
أجلهه دور ثاني؟
لا خل اترك فصل احسن هيج
راح اعوف التوزيع الجغرافي شيحفظني مناطق ومدن العالم وشبيهه كل وحدة
هذا تفكيركم والي سمعته منكم 👆
زين انطيكم حل حلو ويفيدكم 😍
شوفوا انتم من تنطون صورة صعبه للمادة العقل راح ياخذ هذه الصورة ويجلب بيهه وينطي اشعارات للقلب تكون اشعارات خوف ورعب
سمعوووني شون حنقراهه بطريقة حلوه وممتعة
اتخيل وتخيلي انو انتم تحبون تتطلعون ويكون عدكم معرفة وخبرة وتحب تتطلع وتزور العالم وتسافر وتشوف شبي مبي وتدون هالشي بورق تخيلوا هالشي 😍
✨✨
التربة والنبات وفصل مزززززززعج عند الكل هالفصل😂😂
✨✨
زين تخيلوا التربة الي تزرع بيهه النباتات والحشيش والورد🌱🥀 ... إلى اخر هسوالف شفتوا تربة معينه وهاي التربة مايظهر بيهه نبات، هاي كل ما يزرعون بيهه شي يموت ليش😳 متحبون تعرفون؟ وتروحون للكوكل وتاخذون معلومة وتبهرون اهلكم بيهه ومن تشوف هيج شي تكللهم هاي اما هيج مشكلتهه او هيج (🌚اتحدث عن مشاكل التربة) عدكم كوكل حلو هم داخل الكتاب😍🙈
وين موجودة هذه التربة زين شنو مميزاتهه اني انسان احب استطلع لازم اعرف ☹️
هيج نريدكم👆
زين التوزيع الجغرافي الكتاب متروس توزيع شون حفرق بين الدول والفصل الرابع يكتل كتل كووووومة توزيع بي 😭😭
مو مشكلة نحب هالشي احنه 🙈
👇
اتخيلوا شفتوا مواد معينه، صناعات، وكذلك التربة هم بيه توزيع جغرافي... الخ
اني انسان وانسانه احب استطلع واريد معلومات 😍 اشوف مادة اروح اطلع بالكوكل من شنو متكونه هاي المادة🤔
شنو انواعهه 😐 زين المناطق الي موجوده بيهه شنو هن ووين وبيا قارة 🥺
هم نروح للكوكل ونحب نشوف وين ونطلعهه ونحاول تاخذ صورة تذكار ويانه يعني ( حفظ المعلومة 😍) ونرسلهه للعقل
طالب او طالبة / الي نستنتجة حبايبي انو الكوكل هو هم الكتاب الانترنت موجود داخل الكتاب اقرأوا المادة بحب ومعلومة واستطلاع لا تنطون للعقل فكرة صعبه ويقفل على المادة انطوا فكرة مبسطة وجميلة وخلو بفترة السادس بداخلكم حب المعلومات والاستطلاع
ومع السلامة ، موفقين يارب 😍❤️
@Geoographybot
BY الجغرافية|رحلة التفوق
Share with your friend now:
tgoop.com/Literary_R_T/5194