tgoop.com/KzPulse/3789
Last Update:
🚙Жаңа жылдан бастап жеңілдетілген автонесие бағдарламасы қайта қосылады
Қазақстанның Даму Банкі қаңтар айынан бастап жеңілдетілген автонесиелер қайта берілетінін хабарлады.
2023 жылдан бастап Қазақстанда жеңілдікті автокредиттеу бағдарламаларының операторлары "Қазақстанның Даму Банкі" АҚ және "Өнеркәсіпті дамыту қоры" АҚ қолданыстағы барлық бағдарлама бойынша шарттар біріздендірілетінін мәлімдеді.
Қазір бағдарламаларға қатысатын екінші деңгейлі банктер қолданыстағы кредиттерді өтеуден түсетін төлемдерді жинақтап жатыр.
"Револьверлік тетік негізінде жеңілдікті қарыздар беруді бастау 2023 жылғы қаңтардың екінші жартысында күтіледі. Іске қосу күніне екі бағдарлама бойынша жинақталған қаражат көлемі шамамен 13 млрд теңге, бұл кемінде 1300 жаңа автокредит беруге мүмкіндік береді. Болашақта револьверлік әдіспен жинақталған қаражатты бөлуді ай сайын іске асыру жоспарланған", - делінген ҚДБ хабарламасында.
Еске сала кетсек, 2015 жылдан бастап ҚДБ арқылы жеңілдікті автонесиелеу бағдарламасына 82 млрд теңге бөлінген. Револьверлік тетікті пайдаланудың арқасында бұл қаражат есебінен жалпы сомасы 176 млрд теңгеге 32 мыңнан астам қарыз берілді.
Бағдарламаларға Halyk Bank, ForteBank, Банк ЦентрКредит және Еуразиялық Банк қатысады.
#kzpulse #автонесие #револьверліктетік
BY KzPulse
Share with your friend now:
tgoop.com/KzPulse/3789