tgoop.com/Islam_and_Science/6326
Last Update:
#ያነብየሏህ_ዚና_ሰርቻለሁ_አጥሩኝ😢
✍🏼አሚር ሰይድ
ማኢዝ ወጣት ሰሀባ ነበር...በመዲና አግብቶ ይኖራል:: አንድ ቀን ሸይጧን ወሰወሰዉ እና በአንዲት ልጅ ላይ ለሀራም አነሳሳው፡፡ እሷን ይዟት ከሰዎች ዓይን ተሰወረ ሸይጧን ሶስተኛቸው ነበር ሸይጧን ሀራም ላይ እስኪወድቁ ድረስ አንደኛቸውን ለሌላኛቸው አሳምሮ ከማሳየት አልተወገደም፡፡
ማኢዝ ሀጥያቱን ፈፅሞ በጨረሰ ጊዜ… ሰይጣን ከሱ ገለል አለለት ራሱን ተሳሰበና አለቀሰ😰 ነፍሱን ወቀሳት... የአላህን ቅጣት ፈራ… ህይወቱ ጠበበችበት ወንጀሉ ቀልቡን እስኪያቃጥለው ድረስ ሀጢያቱ ዙሪያውን ከበበው:: የልብ ዶከተር ወደሆኑት ሀቢቡና
ሙሀመድ ﷺ ዘንድ መጣ… ፊት ለፈታቸው ላይ ቆመና ውስጡ ላይ በተፈጠረው ቃጠሎ የተነሳ እንዲህ ሲል ጮኸ
... የአላህ መልእከተኛ ሆይ!!!!ዝሙት ሰርቻለሁና አንፁኝ አላቸው፡፡
.....ረሱል ﷺከእሱ ዘወር አሉ
....… በሌላኛው ጎናቸው መጥቶ ያረሱለላህ ዝሙት ሰርቻለሁ አጥሩኝ አላቸው::
........ረሱል ﷺ ወዬልህ ተመለስ አላህን ምህረት ጠይቀው ወደ እርሱም ተውበት አድርግ አሉት፡፡ከዛም ሄደ
ማኢዝ ግን የዝሙት ወንጀሉ የአኼራ ቅጣቱ ከእይኑ አልወገድለት ሲል ብዙም ሳይርቅ ተመለሰ፡፡ ወንጀሉን መቋቋም አልቻለም እንደገና ወደ ሀቢቡና ሙሀመድﷺ
ዘንድ ተመልሶ ያ ረሱሉላህ አጥሩኝ አላቸው
....... ረሱል ﷺ ወዮልህ... ተመለስ አላህን ምህረት ጠይቀው ወደ እሱም ተውበት አድርግ አሉት...
በድጋሜ አሁንም መጣ... ያ ረሱሉላህ ዚና ሰርቻለሁ አጥሩኝ አላቸው
....... ደጋግሞ የጠየቃቸው ጊዜ ረሱል ﷺዘመዶቹን አብደት አለበት እንዴ? ብለው ጠየቋቸው
......ዘመዶቹም ምንም ችግር የለበትም ብለው መለሱ፡፡
ረሱል ﷺ ምናልባት ኸምር ጠጥቶ ይሆን እንዴ?? ብለዉ ጠየቁ
........ አንድ ሰው ተነስቶ አፉን አሸተተው
....... ከእሱ ምንም የኸምር ምልክት አላገኘም… አንቱ የአላህ መልዕክተኛ ሆይ መጠጥ አልጠጣም አላቸዉ
.....ከዚያም ረሱል ﷺ ዚና ምን ማለት እንደሆነ ታውቃለህን??? አሉት
… እሱም፡- አዎ! አንድ ሰው ሚስቱን በሀላል እንደሚያደርገው እኔ ያልተፈቀደችልኝን ሴት በሀራም ግንኙነት አድርጌያለሁኝ አላቸው
ይህን የምትናገረው ምን ፈልገህ ነው? ብለዉ
ረሱል ﷺ ጠየቁት
....እሱም እንድታጠሩኝ ፈልጌ ነው አለ፡፡
ረሱል ﷺ እሺ አሉትና እንዲወገር አዘዙ፡፡ እስኪሞትም ድረስ ተወገረና ሞተ😔😔
✨ ሀቢቡና ሙሀመድ ﷺ ከሰገዱበትና ከተቀበረ በኋላ ከተወሰኑ ባልደረቦቻቸው ጋር በእሱ ቦታ ላይ አለፉ…
ከባልደረቦቻቸው ሁለት ሰዎች አንዱ ለሌላኛው "አላህ ሰትሮት ሳለ ውሻ እንደሚወገረው እስኪወገር ድረስ ችክ ያለውን ይህን ሰውየ ተመልከትክ?” ሲለው ሰሙ::
..... ረሱል ﷺዝም አሉ፡፡ ትንሽ ከተጓዙ በኋላ በአህያ ጥንብ አጠገብ አለፉ… እስኪነፋፋና እግሩ ወደ ላይ እስኪነሳ ድረስ አህያዉን ፀሀይ አቃጥላዋለች...
ረሱል ﷺ እነዛን ሁለት ሰዎች እንትና እና እንትና የት ናቸው? አሉ፡፡
.....ሁለቱ ሰዎች መርሀባ አለን አሉ...
ረሱል ﷺ ውረዱና ከዚያ ጥምብ አህያ ብሉ አሏቸው .....የአላህ ነቢይ ሆይ… አላህ ይቅር ይበልህ ከዚህ ማን ይበላል? አሉ…
..... ረሱል ﷺ አሁን ስንመጣ ከወንድማችሁ ክብር ያገኛችሁት (ያማችሁት) ነገር በክትን ከመብላት የበለጠ ነው.. እሱ በኡማው መካከል ቢከፋፈል የሚበቃቸውን የሆነን ተውበት በእርግጥ ቶብቷል፡፡ ነፍሴ በእጁ በሆነችው ጌታ እምላለሁ…
#እሱ_አሁን_በጀነት_ወንዝ_ውስጥ _እየተነከረ ነው አሉ
✏️✏️ለማኢዝ ኢብን ማሊክ ምነኛ አማረለት?! አዎ! ዚና ላይ ወደቀ_ ጌታው ግርዶ ያደረገውን ነገር ደፈረ… ነገር ግን በኡማው መሀከል ቢከፋፈል የሚበቃ የሆነን ተውበት ቶበተ፡፡ (ሐዲስ ቡኻሪና ሙስሊም ላይ ያለ ነው)
🚫 ዛሬ ላይ አማዉ በዚና ተጨማልቆ ነገ የአኼራ ቅጣት ጀሀነምን ዘንግቷል...በዝሙት ትዳር ሽሽት ሁኗል, ፍች ተበራክቷል, የፊትችን ኑር ተገፏል, እርዚቃችን ሸሽቶ ድህነት ጭንቀት አለመረጋጋት አኗኗሯችን ሁኗል፡፡
ወላሂ ቢላሂ በሸሪአ የምንተዳደር ሀገር ብንሆን ዝሙት የሰራ ሰዉ በዲንጋይ ተቀጥቅቆ መገደል ቢገኝ እድል ነበር...ተቀጥቅጦ የመሞት ከዛ ጀነት መግባት እድል ከየት ይገኛል???ከየትም አይገኝም ብቻ
♦ ሁለተኛዉ እድል አለ መቶበት መቶበት ..
አላህ እንዲህ ብሏል
ለነዚያም መጥፎ ስራን በሰሩ ወይም ነፍሶቻቸዉ በበደሉ ጊዜ አላህን የሚያስታዉሱና ለሀጥያታቸዉ ምህረትን የሚለምኑ ለሆኑ ጀነት ተደግሳለች(አል-ኢምራን 135)
በነጋ በመሸ በዝሙት የተሸከምኩት ወንጀል አለ ማረኝ እያሉ እስከ ሞት ድረስ ምህረት መጠየቅ እድል አለ
ሞት አማክሮ አይመጣም...በዲንጋይ ተወግሮ ተቀጥቅጦ የመሞት እድል ባናገኝም እስከ ምንሞት ድረስ ከዝሙት ርቀን ቶብተን አላህ ማረኝ አጥራኝ የማለቱ እድል በንጠቀምበት መልካም ነዉ፡፡
⚠️ እነዚህን የአላህ ቃል አንዘንጋ
☞ በእርግጥ ሟቾች ናችሁ፡ከዚያም እናንተ በትንሳኤ ቀን ትቀሰቀሳላችሁ(አል ሙዕሚን15-16)
☞ የምንሰማ ወይም የምናስብ በነበርን ኑሮ በነዳጅ እሳት ጓዶች ዉስጥ ባልሆን ነበር(አል ሙልክ 10)
☞የቅርቢቱ ህይወት ጥቅም አነስተኛ ነዉ፡፡መጨረሻይቱም አለም አላህን ለሚፈራ ሰዉ በላጭ ናት(አል ኒሳዕ 77)
☞ዛሬ በአፎቻቸዉ ላይ እናትምና እጆቻቸዉ ያናግሩናል እግሮቻቸዉ ይሰሩት የነበረዉ ሁሉ ይመሰክራል(ያሲን 65)
ለሌሎች ሸር በማድረግ ያካፍሉ
◈━━━━━━━━◈━━━━━━━━ ◈
4 another channal👇
www.tgoop.com/Islam_and_Science
💐<<<<<<>>>>>>⭐️<<<<<<>>>>>>💐
www.tgoop.com/IslamisUniverstiy_public_group
www.tgoop.com/IslamisUniverstiy_public_group
BY ISLAMIC SCHOOL
Share with your friend now:
tgoop.com/Islam_and_Science/6326