tgoop.com/Informatika/5992
Last Update:
Ilmiy tadqiqotimning eng innovatsion va hal qiluvchi qismi bu, o'quvchilar va talabalar tomonidan yuklangan uyga vazifalarni sun'iy intellekt texnologiyalari yordamida samarali va aniq tarzda tekshiruvchi tizimni ishlab chiqish vazifasi edi. Ushbu tizimning ba'zi imkoniyatlarini va uning ta'lim jarayonidagi ahamiyatini yuqoridagi qisqa videoda ko'rishingiz mumkin.
Ushbu tizim boshlang'ich sinf o'quvchilari uchun mo'ljallangan matematik uy vazifalarini sun'iy intellekt yordamida tekshiruvchi vositadir. U sun'iy intellekt texnologiyasidan foydalanib, yuklangan (rasm, pdf, word) hujjatlardagi vazifalarni tekshiradi va ularni avtomatik ravishda baholaydi, to'g'ri yoki noto'g'ri ekanligini darhol ko'rsatib beradi.
Tizimning asosiy afzalliklari:
Vaqtni tejash: O'qituvchilarning va ota-onalarning qimmatli vaqtini uyga vazifalarni tekshirishdan ko'ra, o'quvchilar bilan sifatli vaqt o'tkazish uchun yo'naltirish imkonini beradi.
Aniqlik: Insoniy xatolar ehtimolini kamaytiradi va har bir misolni ob'ektiv ravishda tekshiradi.
Qulaylik: O'quvchilar, o'qituvchilar va ota-onalar uchun uyga vazifani tezkor tekshirish va natijalarni olish uchun qulay onlayn platforma yaratadi.
Men kelajakda barcha fanlardan berilgan uy vazifalarini avtomatik ravishda tekshirib, baholaydigan tizimni yaratishni rejalashtirganman. Bu tizim talaba va o'quvchilarning bilimini obyektiv va tezkor tarzda sinovdan o'tkazish imkonini beradi, shu bilan birga o'qituvchi va ota-onalar uchun katta qulaylik yaratadi.
@Nursaidovuz
BY Informatika va AT
Share with your friend now:
tgoop.com/Informatika/5992