ایران بختیاری

سلام رودم،عزیزم،مهروونم

گلِ آستاره ی هفت آسِمونم

نَبینُم کِر مِنِ تیگِت نشینه

گلِ خنده لوونت آرِمونُم

سلام گلدهدرِ افتو توارُم

کُرِچوقا به وَر نیله سوارُم

عزیز جونُمی خُت سو تیامی

چرا هونه دلم بای چل چرامی

تو سول سر بلند و مو به ساوات

هِرنگِ زونیا ، پشت پنامی

تو چی بَلگِ گلی،هُمزا بهاری

چُنو زرده سری، هم سردیاری

ایَر که بادُمی ، یا مَزگِ بادُم

گلی خُت گلبُنی، خُت گل نهادُم

وِ جونُم ریشه داره مهرت ای رود

بفُم وا جون وُ دل خُم شعرت ای رود

امیدم سَوز وُ بالا بخت وابوی

صِهاو هونه،تاج وُ تخت وابوی

نشینی طاقِ کسرا، شَورِ شاهی

وِ زندی شاد وُ شیرین وَخت وابوی

بوینُم هی گلِ خنده لواتِ

وِ هر جا ری کُنی افتو نِهاتِ

مَبو خاری تِکه وُر تنگه ی پات

بلا دیر آبوه هی شادی هُمزات

پَسِ شون تو هی دستِ خدا بُو

اِخوم جونُم که جونِت بی قضا بُو

خدا،یاره وِ کارت،چرخِ گردون

حلالت زِندَییِ چی شیر دا بُو

وُ جاقِ روشِنا بَو سردیارت

کِلاکِ دستِ دا هی بیقِرارِت

گِری دستِ غریو پا وندنه تو

بوینُم روزمین، مَیلِس دِرارت

کِلَوسی، بَلگِ ریواسی شیرینم

چَویلی، گلبِرِنجاسی شیرینُم

تو چی نوری،که اِز افتو اِتاوه

یه دشتِ پُر زِ احساسی شیرینُم

اِنم هی پات جاتِ مِن تیا دل

همه مهر وُ بفاتِ مِن تیا دل

وِ هناسه که سیت اِوَرهِلاسه

اِنُم درد وُ بلاتِ مِن تیا دل

تشِ افتو تواری،رودِ داگل

گُلِ باغ بُهاری،رودِ داگل

وِ تیگِت قرص مه،افتو وِشونت

امیدِ هفت وُ چاری،رودِ داگل

www.tgoop.com/IRANBAKHTIYARI2018/11654

783 viewsزیبا کریمی بابااحمدی, Mar 19, 2022 at 15:33

سلام رودم،عزیزم،مهروونم

گلِ آستاره ی هفت آسِمونم

نَبینُم کِر مِنِ تیگِت نشینه

گلِ خنده لوونت آرِمونُم

سلام گلدهدرِ افتو توارُم

کُرِچوقا به وَر نیله سوارُم

عزیز جونُمی خُت سو تیامی

چرا هونه دلم بای چل چرامی

تو سول سر بلند و مو به ساوات

هِرنگِ زونیا ، پشت پنامی

تو چی بَلگِ گلی،هُمزا بهاری

چُنو زرده سری، هم سردیاری

ایَر که بادُمی ، یا مَزگِ بادُم

گلی خُت گلبُنی، خُت گل نهادُم

وِ جونُم ریشه داره مهرت ای رود

بفُم وا جون وُ دل خُم شعرت ای رود

امیدم سَوز وُ بالا بخت وابوی

صِهاو هونه،تاج وُ تخت وابوی

نشینی طاقِ کسرا، شَورِ شاهی

وِ زندی شاد وُ شیرین وَخت وابوی

بوینُم هی گلِ خنده لواتِ

وِ هر جا ری کُنی افتو نِهاتِ

مَبو خاری تِکه وُر تنگه ی پات

بلا دیر آبوه هی شادی هُمزات

پَسِ شون تو هی دستِ خدا بُو

اِخوم جونُم که جونِت بی قضا بُو

خدا،یاره وِ کارت،چرخِ گردون

حلالت زِندَییِ چی شیر دا بُو

وُ جاقِ روشِنا بَو سردیارت

کِلاکِ دستِ دا هی بیقِرارِت

گِری دستِ غریو پا وندنه تو

بوینُم روزمین، مَیلِس دِرارت

کِلَوسی، بَلگِ ریواسی شیرینم

چَویلی، گلبِرِنجاسی شیرینُم

تو چی نوری،که اِز افتو اِتاوه

یه دشتِ پُر زِ احساسی شیرینُم

اِنم هی پات جاتِ مِن تیا دل

همه مهر وُ بفاتِ مِن تیا دل

وِ هناسه که سیت اِوَرهِلاسه

اِنُم درد وُ بلاتِ مِن تیا دل

تشِ افتو تواری،رودِ داگل

گُلِ باغ بُهاری،رودِ داگل

وِ تیگِت قرص مه،افتو وِشونت

امیدِ هفت وُ چاری،رودِ داگل

BY ایران بختیاری