tgoop.com/Hazimali/7734
Last Update:
على الخاص
📩سلام عليكم ورحمة الله وبركاته سيدنا الطيب اني خادمك عمري ٢٣ صاحب موكب وياي شباب خير من الله من .... اني
بس سيدنا جايك بخصوص مسألة واريدك ترشدني جزاك الله خير الجزاء سيدنا
اني اطلع مشاية موكب جبير كربلا واقيم مجالس جبيره واجيب خطبا ورواديد واني اشتغل واصرف على موكب وياي اكو ناس تنطيني
بس اكو شي حيرني كلش سيدنا
اني مع هذا كله الي اسويه بس عدي شغله مو حلوه اسوي محرمات وانا ماضم عليك
اسوي (…….) و(….. …..) والعياذ بالله
امس اجاني تفكير كلت راح اترك الموكب مالي علاقه بيه وبعد ماسوي عزاء ولا اسوي موكب وروح لكربلا لان انا مو اهلا لهيج سوالف لان اسوي محرمات
نوب كلت اذا تركت الموكب بعد محد يسوي عزاء بالمنطقة ولا راح يكبر الموكب ولا شباب تجتمع لان انا اعرف السالفة كلش زين
زين انا هس محتار شسوي عليك ضلع الزهراء عليها السلام جاوبني سيد ماعدي غيرك وعلي ونته ابو شباب وتعرف طريق الله
صارت رغبتي ب (…..)
عذرني على هيج كلام بس ثق بالله سولفتلك الي بقلبي
--------------------
🖋️بسم الله الرحمن الرحيم
عليكم السلام ورحمة الله وبركاته
اذا سألك الحسين في يوم القيامة لماذا تركتني وتركت موكبي من أجل هذه الأمور المحرمة القبيحة جدا التي تغضب رب العالمين؟
هل نسيت ماذا جرى علي يوم الطف وماذا تحملت من أجل أن يبقى دين جدي حيا يصل إليكم ؟
أنت تدري شنو حالي عندما وقف أمامي ابني علي الأكبر يودعني ؟
أنت تدري بحالي لما حملت القاسم إلى الخيام ؟
أنت تدري ماذا جرى علي عندما أرسلت أخي العباس ليجلب الماء ؟
انت تدري لو ما تدري بشعوري وأنا أرى كف أبي الفضل وهي مقطوعة على الأرض ؟
شلون تتركني وتنسى حالتي عند وداع أخواتي وبناتي ونسائي ولا كافل لهن ولا معين سوى الله رب العالمين ؟
إذا كنت في يوم ما قد بكيت علي بصدق فلا تتركني
لماذا لم تجاهد نفسك وتتقِ ربك يامن كنت تردد دائما ياليتني كنت معك فأفوز فوزا عظيما،
وربك الرحمن الرحيم بالتوابين
عزيزي عندك جواب للحسين أم لا ؟!
---------------------
📩والله ماعرف شكلك بس الله يشهد كلش تأثرت بهذا الكلام
اني راح ابقه بلموكب وابقه اجمع شباب
بس مولاي المشكلة هاي عدي ماعرف شسوي والله مادري اختبار من الله الي مادري
واني مااحاجي هذا الكلام لاي احد حتى الخطباء الي اجيبهم ماكللهم لان استحي بس ماعرف هيج شعور اجاني والله دزني عليك
وشفتلك أكثر من فيديو تنصح وقلبك ملجوم
واني اشكرك ياربي من خليت احد علماء شيعة اهل البيت يرد على رسالتي والله فخر الي انت ترد على شخص حقير ومذنب
-------------------
أنا لا قيمة لي المهم الله يرضى عنك و الحسين لا يزعل عليك.
✍️سماحة السيد حسين الحكيم (دام عزه)
BY الشيخ حازم العطواني
Share with your friend now:
tgoop.com/Hazimali/7734