tgoop.com/HarbourofFreedom/1912
Last Update:
【本日焦點新聞 2023年12月26日】
//中共一直大力宣揚「無神論」，喺今年聖誕節，官方再次強調要堅持基督教中國化。喺黨要求「從嚴治教」下，廣東、福建、黑龍江等地都有學校及幼兒園要求學生同家長拒絕過聖誕節，呼籲「要保持文化自信，不盲目跟隨其他國家嘅節日」。
中共中央政治局常委、全國政協主席王滬寧喺上個禮拜中國基督教第十一次代表會議上指，新一屆基督教全國「兩會」要堅持基督教中國化方向，對教義教規作出符合當代中國發展進步要求、符合社會主義核心價值觀同中華優秀傳統文化的闡釋，要「講好中國宗教故事」。
及後，多地慶祝聖誕的活動受到嚴格限制。據《路透社》報道，雲南省一家物業管理公司出通告指傳統唔應該被「盲目」追隨，應該對中國文化充滿自信，要求商場租戶唔好賣聖誕卡同有關物品，以及唔好掛飾物。另一喺深圳嘅物業公司都發出倡議書，要求店舖唔準賣同聖誕節同平安夜相關嘅禮物、賀卡、平安果，都唔準商家喺商場、店內懸掛有關節慶裝飾物品。
而學校方面，廣東東莞厚街開賢學校向學生家長發出「弘揚傳統，不過洋人節」嘅倡議書，形容近年喺社會同校園過聖誕節、平安夜嘅風氣有蔓延趨勢，「平安夜、聖誕節係西方國家嘅傳統節日，對國外嘅傳統文化有所了解係應該嘅， 但我地唔倡導同盲目跟從。」哈爾濱市勝利小學都發出倡議書，要求學生「堅定文化自信」，拒絕過洋人節。
喺平安夜當日，多名網民指喺河北、河南、福建、天津等地嘅教堂都有警員看守，唔準叫口號、有大動作，便衣警察喺教堂內來回巡視。中國宗教事務條例規定，喺中國信奉嘅宗教「不受外國勢力支配」，因此，即使上海同重慶等大城市嘅商場都佈置左聖誕樹點綴著燈光、緞帶同禮物盒迎接顧客，但因憂慮「外來影響」，所以並唔鼓勵過聖誕節。 //
———————————————
更多資訊，包括最新一期《自由港》請點擊以下連結⬇️⬇️
https://linktr.ee/HarbourofFreedom
捐款支持我們:
https://ko-fi.com/harbour_of_freedom
BY 《自由港 Harbour of Freedom》
Share with your friend now:
tgoop.com/HarbourofFreedom/1912