tgoop.com/HKHistoryphilo/7659
Last Update:
呢篇文會好長，唔好TLDR
喺2020年7月30號，偽政府對立法會候選人嘅DQ事件，姑勿論大部分嘅候選人都係香港人喺初選嘅時候所授權嘅民意代表，即使冇初選，呢個都係對香港民主同公民權利國際公約俾香港人嘅選舉權、被選舉權嘅侮辱。
心水清嘅手足會話屌，你咪撚講廢話，因為DQ絕對唔係第一次，香港人23年嚟被赤共侮辱嘅智商，有幾多人真係搵返？你究竟係真唔記得定扮唔記得四年前嘅DQ事件？
提名被DQ去到當選後都會被DQ已經唔係第一次，話就話35+但係香港人心知嘅係佢唔DQ你提名，你當選佢都會照DQ你，政治打壓可一可再。
噉喺接連嘅DQ入面，香港而家係咪處於香港民主最黑暗嘅時期？喺答之前，我反問你幾個問題先：
第一：香港除咗英殖時期喺1883年成立嘅潔淨局之外，試問1999年之後原來真係有民主？詳解請睇https://www.tgoop.com/HkHistory/6954
第二：香港自2019年就黑到而家，天都未光，你我何談最黑暗？你而家淆底，永遠只會係永遠，你而家繼續，曙光就在眼前，好冇？
好，講返正經嘢，我可以答你：係，香港的確係黑暗時期，但係係咪真係咁黑暗呢？
要我講，香港冇澳門噉完全被控制思想、香港冇經歷過台灣戒嚴、宵禁、禁母語幾十年嘅白色恐怖、香港更加未經歷過庫爾德人幾百年嚟被無數國家統治同面對四國圍剿。
的確，香港而家係白色恐怖時期，但係你要謹記香港而家只係白色恐怖嘅開始。而香港呢個所謂嘅政府只不過係做緊佢眼中應該做、可以做嘅事，甚至係中共叫佢做嘅。
香港人而家仲可以屌政府屌中共，甚至你仲可以講廣東話，可以見到我用廣東話打呢篇文俾你睇，而你要知道佢哋喺未來都可以係白色恐怖嘅一部分。
我再講多一句，佢之所以要用白色恐怖令你驚，就係因為佢更加驚，佢驚你唔驚佢，所以就用恐懼作為佢哋嘅武器而我哋要將呢一份恐懼變返做佢哋嘅恐懼而唔係自己喺度我好驚。恐懼係暴政最後嘅武器
其實議會戰線究竟有乜嘢用？一開始個個都話我哋就係要佢DQ！DQ曬啦而家已經有牌打你地所謂嘅國際線啦唔係咩？目的唔係要全部DQ?？定係真係狗改不了吃屎，變返入港共選舉去改變制度/加入佢地。我唔係講笑啊，要改變呢就唔好咁自私，要變就變咗成個中国佢
行Plan B 除咗入去呃幾十萬有咩用？
所以我話議會戰線係得兩個用途，一個係俾港豬成為佢哋唔付出嘅藉口，另一個就係DQ後嘅國際戰線。
屌咗咁耐有冇啲咩提議呀？港共政權已經用行動話俾你知民主？just a fucking joke！佢用行動粉碎左一班人嘅夢想佢話比佢哋知你唔流血、你唔革命、你點都唔會得到你要嘅嘢。
點解唔諗吓影子議會？影子政府？可以參考下呢篇文，利申唔係我寫： https://medium.com/@henryporterbabe/政治進階課程-區議會與飯民初選真可轉化成-影子政府-嗎-c7fd02825013
以下係節錄
「影子議會／公投」概念係喺當政府晌民主層面上進行打壓時，市民就以能夠促成市民參與政治嘅機制繞過呢種打壓，甚或進一步形成一個類政府嘅機制，慢慢擺脫政府嘅約束。
舉個例，既然立法會機制之下冇辦法奪取半數，咁咪過半數嘅區議會推動議政同監察囉；如果17區議會往後唔單止討論地方議題，而係逐步推廣至全港議題，咁咪變成形成咗「影子議會」囉；
今次初選如果大家都認授咗係非建制派嘅一種投票議決方式，咪成為「民間公投」囉。
咁當有齊「議會」同「公投」兩樣嘢，仲唔係一個政府嘅雛形？
只要市民慢慢習慣「影子政府」先至可以代表真正民意嘅機構，就可以逐步架空原有嘅特區政府，或至少以有系統、有組織嘅民意倒過來向政府施壓。
但區議會同初選搞得有聲有色係一件事，能唔能夠變成「影子政府」卻完全係另一件事：正如一個人點樣鍛鍊，一日佢生唔出一對翼，始終都唔會飛得起；一日生唔出一對鰓，始終都唔會變成魚。
區議會同民間公投能唔能夠轉化成一個「影子政府」，係要睇三大條件：
1. 佢從何等程度上可取締政府功能；
2. 推動者本身有否執政意志；
3. 政府如何打壓、市民如何反應
#影子政府 #議會戰線有咩用
香港歷史台 @HKHistory
BY 📝香港世界歷史/哲學台📝（荼毒青年）
Share with your friend now:
tgoop.com/HKHistoryphilo/7659