tgoop.com/Faculty_of_Engineering_media_USF/9137
Last Update:
في عالمِ الريب مانحتاج حد يزعلـــــ
بأقلّ كلامي وانا في مااحتوى علامـــــ
الشك قاتل وفي أهل الذل متغلغـــــل
مالنشمي الكفؤ ما يحتاج له علامـــــ
شفنا الحمية تحرك جرو متشلشـــــل
ولا معه غير لقمة عيش أو اطعـــــام
وأوفى بدمه وفاء كامل وسار يقتـــــل
وعاد سنه في العامين يُحكى إعـــــلام
وأهل العروبة بقت تنفر وتتمهـــــزل
في اجتماعات قالوا سَدّوا الحكـــــام
والغرب وإسرائيل تتلاعب وتتمهـــــزل
بأرواح غزّة ودم أطفالها اليـــــتام
لا عاد شيء عار يا عربان نتدخـــــل
نقدم ندخل من المعبر شوية اطعـــــام
بانرفع الروس قالوا لا ولن يدخـــــل
واحنا هجعنا لما إسرائيل تلغي اللـــــام
طيب لويش اجتماعات للمه عاد نتبهـــــذل؟
للمه يذيعوا خبرنا وللمه نستمي حكـــــام؟
لا ما قطفنا خبر في قوت كي يدخـــــل
بويش نتغلى البهائم ونتغلى على الأنعـــــام؟
ومادام به يا شعوب الحرية مدخـــــل
في حريتكم فقوموا غيّروا الحكـــــام
والله لو عبد الملك للآن ما أتدخـــــل
ما كان حاكم على صنعاء ولا قـــــوام
فينا شهامة وفينا حرية تُقتـــــل
والدم يجري وفيه النخوة الصمـــــام
فينا مروّة وفينا القبيلة تفصـــــل
صمام الأرواح فينا أو على الخصـــــام
يا ما نعيش أحرار نتكلم ونترجـــــل
ولا فميتة رجولة في خطى القســـــام
يا ما نعيش أحرار نعطي الباطـــــل المبطل
ولا فتحرُم علينا الروس في الأجســـــام
وبعد هذا أقول يا غزة اتنزّـــــل
عليك بلوى اختبار الله في الإســـــلام
وبانت القوم وكشف المرجلة سجّـــــل
من هو بقلبه ومن هو حطّم الأصنـــــام
ما ينفع الدعم لا معبر رفح مقفـــــل
ما ينفع القول والتبرير في الإعـــــلام
ما ينفع النقد لا مستقبله يجهـــــل
معنى العروبة ومعنى نخوة الإســـــلام
واختم كلامي ودمعي كاد با ينـــــزل
الله معاكم سرايا القدس والقســـــام
ليت الحمولة تجد لي فوقها محمـــــل
وأكون معاكم ونتسابق على الإقدـــــام
يمكن عسى الله يسمعني ويتقبـــــل
والحق برفقة محمد خاتم الإســـــلام
✍️ م/ قبان احمد حسين قبان
BY كلية الهندسة جامعة صنعاء |USF
Share with your friend now:
tgoop.com/Faculty_of_Engineering_media_USF/9137