Expert-Net اكسبرت نت

كيفكن يا جماعة المجتمع التقني
انا من عادتي بغيب بس و ما برجع الا بالمشاكل العويصة اللي بتواجهني و بحاول فيد فيها المجتمع التقني الخاص بالاكسبرت (بحبكن يا جماعة لله بالله)


المشكلة اليوم اللي هية حسابات غوغل على اجهزة الاندرويد

حابب احكي بشوية تفصيل عن شي اسمو قفل غوغل المتعارف باسم FRP
و هي اختصار Factory Reset Protection

و متل مو واضح من المعنى هي هي حماية خاصة بالاجهزة لمرحة ما بعد ضبط المصنع

الهدف من هي العملية انو اللي عم يعمل سوفتوير او ضبط مصنع يكون فعلا صاحب الجهاز مو حدا سارقو مثلا او حدا ملاقيه بالطريق و يستفيد منو

كان المقرر من بداية استخدام هي الخدمة او الخاصية انو تحمي الجهاز ليصير بدون فائدة لغير صاحب الجهاز متل وضع الايفون بس كانت شركة غوغل دايما تعاني من كون برامجها مفتوحة المصدر و تعاقداتا مع الشركات ليعملو سوفتويراتن الخاصة تعمل نقص او ثغرات بهي الحماية لهالسبب كان دايما في حلول لتخطي حسابات الجيميل و هالشي كان سيف ذو حدين

اولا ضاعت الحكمة من وجود هي الحماية و بالتالي اذا ضاع او نسرق الجهاز بيضل ممكن الاستفادة منو

ثانيا صار في استهتار من قبل المستخدم و خاصة مع سهولة انشاء حسابات غوغل متعددة ما عاد المستخدم يحتفظ ببياناتو

و هون بقا مصدر رزقنا من هالموضوع

بيجي الزبون نسيان رمز جهازو نحنا بتصير عيونا قلوب و نجوم😍🤩 و منسفقو رقم محترم ع حسب نوع الجهاز و حمايتو

هون بقا بيتم تخطي الحساب بعدة طرق:
1- يدوي يعني ثغرات بالنظام منعتمد عليها
2- ادوات مجانية (مالها موثوقة بشكل كامل)
3- ادوات مدفوعة و بوكسات (فيا رخيص و غالي)
4- سيرفر (هون نحنا بس علينا ندفع مصاري و هو بيشتغل كل شي)
5- الجيتاغ و هي العملية هي اعادة برمجة ذاكرة الجهاز و هالشي معقد و بحاجة مبرمجة و ادوات و قصة مفشكلة

رتبت الطرق من الاسهل للاصعب حسب ذاكرتي و من الارخص للاغلى

منجي بقا لقطع الارزاق و المشكلة الرئيسية اللي واجهتنا بهالفترة هي

الاندرويد 15

شركة غوغل بهاد الاندرويد رفعت الحماية لدرجة مرعبة و سكرت جميع الثغرات البرمجية و اليدوية لحد الان ... كل المطورين و اصحاب الادوات حاليا واقفين بحالة ذهول بانتظار الحلول و التسريبات من الشركات
و الاسوأ ما في الموضوع هو سامسونغ بمعالجاتا اللي غيرت من بروتوكول مخاطبة المعالج بهاد الاندرويد ليصير مستحيل ربطو ع ادوات التفليش و تغيير الايمي و تخطي الحساب

#نصائحي

1- يا حبيباتي اللي عامل ايميل غوغل و نسيان كلمة السر يمحيه و يعمل غيرو او يعدل كلمة السر و يسجلا

2- اللي عامل ايميل غوغل و مفعل مصادقة ثنائية و هو بسوريا يلغيها لانو ما رح يجيه رسالة عالرقم ليفكو الحظر

3- اللي بيعطي الموبايل لابنو يقفل الاعدادات بكلمة سر لانو الولاد روح قلبا تغير الرمز و تنساه

3- الايميل من المهم جدا تكتبو ع ورقة و تحطو بمكان امن لانو السكرين شوت بتروح مع السوفتوير يا حبيبي

4- حساب غوغل هو نفسو ايميل غوغل بس مو نفسو حساب الفيس


5- من الافضل ربط ايميل تاني معروف و موثوق من داخل اعدادات الايميل من قسم الامان و تأكيد هالايميل ليصير اسهل استعادة الايميل بحال نسيان كلمة السر

5- لا تربطو الايميل ع رقم موبايل نحن في سوريا اذا مالك خبر او ربطو الايميل برقم اوروبي و يكون شغال حصرا

الحلول المتاحة حاليا لتخطي الاجهزة الحديثة هي الجيتاغ فقط يعني بينفك الجهاز و ببتنفك الذاكرة و بتتبرمج يعني جهازم عم يخسر قيمتو

لهيك انتبهو كتير و خاصة الاجهزة الحديثة

و اسف عالاطالة

من منشور الصديق Rani Nakhleh على مجموعتنا على الفيسبوك

❤42👍10👌3

www.tgoop.com/Expert_Net/8853

5.81K viewsHasan, Jun 25 at 06:34

كيفكن يا جماعة المجتمع التقني
انا من عادتي بغيب بس و ما برجع الا بالمشاكل العويصة اللي بتواجهني و بحاول فيد فيها المجتمع التقني الخاص بالاكسبرت (بحبكن يا جماعة لله بالله)


المشكلة اليوم اللي هية حسابات غوغل على اجهزة الاندرويد

حابب احكي بشوية تفصيل عن شي اسمو قفل غوغل المتعارف باسم FRP
و هي اختصار Factory Reset Protection

و متل مو واضح من المعنى هي هي حماية خاصة بالاجهزة لمرحة ما بعد ضبط المصنع

الهدف من هي العملية انو اللي عم يعمل سوفتوير او ضبط مصنع يكون فعلا صاحب الجهاز مو حدا سارقو مثلا او حدا ملاقيه بالطريق و يستفيد منو

كان المقرر من بداية استخدام هي الخدمة او الخاصية انو تحمي الجهاز ليصير بدون فائدة لغير صاحب الجهاز متل وضع الايفون بس كانت شركة غوغل دايما تعاني من كون برامجها مفتوحة المصدر و تعاقداتا مع الشركات ليعملو سوفتويراتن الخاصة تعمل نقص او ثغرات بهي الحماية لهالسبب كان دايما في حلول لتخطي حسابات الجيميل و هالشي كان سيف ذو حدين

اولا ضاعت الحكمة من وجود هي الحماية و بالتالي اذا ضاع او نسرق الجهاز بيضل ممكن الاستفادة منو

ثانيا صار في استهتار من قبل المستخدم و خاصة مع سهولة انشاء حسابات غوغل متعددة ما عاد المستخدم يحتفظ ببياناتو

و هون بقا مصدر رزقنا من هالموضوع

بيجي الزبون نسيان رمز جهازو نحنا بتصير عيونا قلوب و نجوم😍🤩 و منسفقو رقم محترم ع حسب نوع الجهاز و حمايتو

هون بقا بيتم تخطي الحساب بعدة طرق:
1- يدوي يعني ثغرات بالنظام منعتمد عليها
2- ادوات مجانية (مالها موثوقة بشكل كامل)
3- ادوات مدفوعة و بوكسات (فيا رخيص و غالي)
4- سيرفر (هون نحنا بس علينا ندفع مصاري و هو بيشتغل كل شي)
5- الجيتاغ و هي العملية هي اعادة برمجة ذاكرة الجهاز و هالشي معقد و بحاجة مبرمجة و ادوات و قصة مفشكلة

رتبت الطرق من الاسهل للاصعب حسب ذاكرتي و من الارخص للاغلى

منجي بقا لقطع الارزاق و المشكلة الرئيسية اللي واجهتنا بهالفترة هي

الاندرويد 15

شركة غوغل بهاد الاندرويد رفعت الحماية لدرجة مرعبة و سكرت جميع الثغرات البرمجية و اليدوية لحد الان ... كل المطورين و اصحاب الادوات حاليا واقفين بحالة ذهول بانتظار الحلول و التسريبات من الشركات
و الاسوأ ما في الموضوع هو سامسونغ بمعالجاتا اللي غيرت من بروتوكول مخاطبة المعالج بهاد الاندرويد ليصير مستحيل ربطو ع ادوات التفليش و تغيير الايمي و تخطي الحساب

#نصائحي

1- يا حبيباتي اللي عامل ايميل غوغل و نسيان كلمة السر يمحيه و يعمل غيرو او يعدل كلمة السر و يسجلا

2- اللي عامل ايميل غوغل و مفعل مصادقة ثنائية و هو بسوريا يلغيها لانو ما رح يجيه رسالة عالرقم ليفكو الحظر

3- اللي بيعطي الموبايل لابنو يقفل الاعدادات بكلمة سر لانو الولاد روح قلبا تغير الرمز و تنساه

3- الايميل من المهم جدا تكتبو ع ورقة و تحطو بمكان امن لانو السكرين شوت بتروح مع السوفتوير يا حبيبي

4- حساب غوغل هو نفسو ايميل غوغل بس مو نفسو حساب الفيس


5- من الافضل ربط ايميل تاني معروف و موثوق من داخل اعدادات الايميل من قسم الامان و تأكيد هالايميل ليصير اسهل استعادة الايميل بحال نسيان كلمة السر

5- لا تربطو الايميل ع رقم موبايل نحن في سوريا اذا مالك خبر او ربطو الايميل برقم اوروبي و يكون شغال حصرا

الحلول المتاحة حاليا لتخطي الاجهزة الحديثة هي الجيتاغ فقط يعني بينفك الجهاز و ببتنفك الذاكرة و بتتبرمج يعني جهازم عم يخسر قيمتو

لهيك انتبهو كتير و خاصة الاجهزة الحديثة

و اسف عالاطالة

من منشور الصديق Rani Nakhleh على مجموعتنا على الفيسبوك

BY Expert-Net اكسبرت نت