tgoop.com/DoaaAIamry11/26980
Last Update:
#لسان حال مولاتي فاطمة العليلة
خليلي أثــر منــك أشمــه..
كبل لاعيني من فركاك تعمه..
ثكيلة وحشة الليل.. عليك أتفرهد الحيل
""""""""""""""""""""""""""""""""""""""
صعب كلش صعب ياوكت الوداع
الترب هلته آعله راسي والفكر ضاع
دليلي بهل الهجــر يــا بوية ملتاع
أنوح ودمعتي تسيل .. عليك أتفرهد الحيل
✍🏻#آلّشآعرهً آلــــّعــلّويِـــه آلّمٌوسويِــــۿ
✿•◈━━━━◈••◈━━━━◈•✿
ملتاع الگلب مايحمل فراگ
اشوف الظعن تالي الليل ينساگ
ماظنيت بويه احلامي تنباگ
افارگ ريحة الهيل .. عليك اتفرهد الحيل
✍#ام_محمد_الحجاج
✿•◈━━━━◈••◈━━━━◈•✿
مايحمل دليلي افراگ. تدرون
وغياب النودهم يعمي العيون
عفتوني وحيدة ابحالي شلون
ردلي بويه ادخيل .. عليك اتفرهد الحيل
✍#ام_زهراء_الزيداويه_البصراويه
✿•◈━━━━◈••◈━━━━◈•✿
عفتوني وحيده ومالي امعين
أصيح بعالي صوتي بويه يحسين
بس صوت الصدى يرد الحياطين
أصيحن ويل يا ويل .. عليك تفرهد الحيل
✍🏻#ام_سيد_حسن
✿•◈━━━━◈••◈━━━━◈•✿
عمري شيسوى من دونك يوالي
بلاك شلون اگضيها الليالي
عليلة والمرض شيصير حالي
بية دنيتي اتميل .. عليك تفرهد الحيل
✍🏻#ولائـية_وافتـخر (دعاء العامري)
✿•◈━━━━◈••◈━━━━◈•✿
حيلي راح وياكم يالحباب
ودموعي انثرتها بعتبة الباب
ياخوفي يبويه يطول الغياب
يذوب اعليك الدليل .. عليك تفرهد الحيل
✍🏻#ام_عباس_الحسيني
✿•◈━━━━◈••◈━━━━◈•✿
يبوية لاتروح تعوفني ايام
تخليني بحسرتي وأمل واحلام
عليلة وليلي اگَّضي سهر وآلام
أخذني وية العليل .. عليك تفرهد الحيل
✍🏻#ام_سيد_علي
✿•◈━━━━◈••◈━━━━◈•✿
#تـمت_بـأقــلام ✍🏻✍🏻
⚶مجموعة شاعرات أهل البيت⚶
⏪تأسست المجموعة ٧-٢-٢٠١٨⏩
https://www.tgoop.com/DoaaAIamry11
BY ♢الُشِاْعرَةِ وَلُائـيَةِ وَافَتْـٌخرَ♢
Share with your friend now:
tgoop.com/DoaaAIamry11/26980