tgoop.com/DoaaAIamry11/25795
Last Update:
★•• نواعي لـ الإمام الحسين ••★
كأني بلسان حال مولاتنا الحوراء عندما رجع جواد الحسين
#يقرأ بـ (التغريد الحزين)-- (لفى عاشور)-- (ياجبريل نترجاك//عبد الحي قمبر)--
يمهر حسين حاچيني سولفلي لي الجرى والصار
أخيي حسين چا وينه صهيلك مو سعر لي النار
سرجك ملتوي وخالي ومن عينك دمع مدرار
على جسمك أشوف دموم انخمش گلبي وصحت ويلاه
يمهر حسين خليته على التربان ما شلته
أخذني بالله لمچانه تردلي روحي لو شفته
أضمد جرح لبجسمه الأخو يحتاجها لأخته
واقبله بصدره واشتمه واگعد لحظة بس انعاه
// #أبوذية //
صهيلك يا فرس لگليبي ..مارد مرَد
نطرت آنه أخيي وياك ..ما رد
عگب عين الولي للدنيا ..مارد ماريد
گضت ويـاه أيـامي الهنيـة....
#يقرأ
(مجرد-عاشوري-گرناوي-جنوبي-ملائي-الزريجي)وغيرها
بعد هيهات شيعوده علية
وسف آه ياوسف راح من ادية
خذته حسين مني الغاضرية
طايح وين دليني اعله دربه
أريد أوصله اكون بلحظة گربه
واگله اختك عفتها بديرة غربه
يمهر حسين عفته الچان يرعاك
سمعت آنه بعويلك جيت بحذاك
گلت ردلي أخوي وماهو وياك
✍🏻#ولائـية_وافتـخر (دعـاء العـامـري)
❌لاأجيــز حــذف الأســم❌
• ━━━━━━ ❁ ━━━━━━ •
https://www.tgoop.com/DoaaAIamry11
BY ♢الُشِاْعرَةِ وَلُائـيَةِ وَافَتْـٌخرَ♢
Share with your friend now:
tgoop.com/DoaaAIamry11/25795