tgoop.com/DoaaAIamry11/25768
Last Update:
{{ لطمية لـ عبدالله الرضيع "ع" }}
// وزن الدارمي //
يبني ينور العين شيحمله فرگاك
مني خذاك الموت ريت آنه وياك
"""""'"""""""""""""""""""""""""""""""""
مني رحت للموت يالبت احشاي
بدربك أنه ضليت مشبوحة عيناي
صوتك خفى وحسيت چن ظلمة دنياي
ثاري السهم من جاك غمضها عيناك
✾━━━━━━✾━━━━━━✾
للخيمة جيت ادموم من عندك اتسيل
صحت وندبت احاه ظل راسك ايميل
تمنيت انه هالساع لتراب الي ايهيل
بالحسرة اجر والـ آه يمه بلياك
✾━━━━━━✾━━━━━━✾
مهدك أهزن بي لو مرة الوليك
حسبالي نايم بي أصحى واغطيك
لحضيني رد اردود بثداي ارَويك
گلبي مردته اعليك صرت اشتم ارداك
✾━━━━━━✾━━━━━━✾
بيدي الزمت لگماط واشهگ بالانفاس
واهمل دموع العين والطم على الراس
فگدك فجع هالروح هد بية الاحساس
ردت أگضي عمري احذاك ولا امل من ارباك
✾━━━━━━✾━━━━━━✾
عبد الله يزغيرون يالفارگتني
ما أسمع مناغاك ما عودتني
سهم اللي صابك بي اسهام و رمتني
لو صح الي والله روحي انطي تفداك
تــمــت بــعــون اللـہ
✍🏻#ولائـية_وافتـخر (دعـاء العـامـري)
❌لا أجيــز حــذف الأســم❌
✾━━━━━━✾━━━━━━✾
https://www.tgoop.com/DoaaAIamry11
BY ♢الُشِاْعرَةِ وَلُائـيَةِ وَافَتْـٌخرَ♢
Share with your friend now:
tgoop.com/DoaaAIamry11/25768