tgoop.com/DoaaAIamry11/25731
Last Update:
•{{ قصيدة ثقيلة لـ فاطمة العليلة }}•
◈ حَمّلو ضعن الأهل ◈
◈ والدمع من عيني هل ◈
ماخذوني بالضعن أمشي اوياهم
موتي يلفيني وسبب موتي جفاهم
""""""""""""""""""""""""""""""""
حَمّلو وابتدت ناري
ابقى انه وحدي بداري
شلون لو جاني الأجل منهو أليّه
لاأخو لاوالدي واصفج بديّه
بحسرتي اگضي نهاري
ليلي صفنة ودمعي جاري
◈ لا خبر يلفي واهيد ◈
◈ ذاب من نوحي الحديد ◈
رحت وبهمي أركضت آنه وراهم
موتي يلفيني وسبب موتي جفاهم
✦✦━━·❆·━━━━·❆·━━✦✦
صحت بويه حسين خذني
لاتخلي ايدك تهدني
ابنَيّتَك من القهر يلفي أجلها
من تروح بهالسفر تگطع أملها
مايشوف النوم جفني
كل عزيز ايغيب عني
◈ استعجليتو ع الرحيل ◈
◈ والدي وعمي الكفيل ◈
چنت ماحس برعب چنت بحماهم
موتي يلفيني وسبب موتي جفاهم
✦✦━━·❆·━━━━·❆·━━✦✦
للغوالي المايجوني
تبچي اعليهم عيوني
أگعد بنص داري وانعي آنه ليهم
وانظر بكل زواية واذكر حچيهم
متت لمن ودعوني
بناري وحدي يتركوني
◈ راحو وتركو جمر ◈
◈ بالگلب طول العمر ◈
ون حمام الدوح ويايه نعاهم
موتي يلفيني وسبب موتي جفاهم
✦✦━━·❆·━━━━·❆·━━✦✦
من يحملون بضعنهم
واعدوني بخبر منهم
صرت اطمن گلبي چن يوصل خبرهم
لو بـ اثر خطواتهم ألگى أثرهم
واسأل اليمشون عنهم
شوكت يلفون لوطنهم
◈ امتيهة الراي وأحوم ◈
◈ روحي انترست هموم ◈
ضيعيت دروبي وضاعت خطاهم
موتي يلفيني وسبب موتي جفاهم
✦✦━━·❆·━━━━·❆·━━✦✦
يومي يگضي بسنة وحدي
واشكي اروح لقبر جدي
عن هلي الغِيّاب عافوني عليلة
لاصبر ظل عندي لاعندي وسيلة
دمعتي تحفر بخدي
شحچي شحچي منين أبدي
◈ قصّتي لوعة وألم ◈
◈ چن گلب صابه سهم ◈
ريتني نجمة وصرت آنه بسماهم
موتي يلفيني وسبب موتي جفاهم
تــمــت بــعــون اللـہ
✍🏻#ولائـية_وافتـخر (دعـاء العـامـري)
❌لا أجيــز حــذف الأســم❌
✦✦━━·❆·━━━━·❆·━━✦✦
https://www.tgoop.com/DoaaAIamry11
BY ♢الُشِاْعرَةِ وَلُائـيَةِ وَافَتْـٌخرَ♢
Share with your friend now:
tgoop.com/DoaaAIamry11/25731