tgoop.com/DoaaAIamry11/25728
Last Update:
{{ مربعة أو فزاعية مع هوسات لـ مولاتنا أم البنين "ع" }}
// وزن التجليبة //
★•• عازو ام البنين اللي نطت أربع ••★
★•• تريد حسين سالم ألها بس يرجع ••★
""""""""""""""""""""""""""""""""""""
عازوها بدمعكم فاگدة الشبان
تحن كل يوم بالدار البقى خلوان
راحو كل بنيها والگلب وجعان
فدوه تگول اله الچفين تتگطع
🍃يفديها//روحه اعله الخوة🍃
❉─────※ ·❆· ※─────❉
تون لحسين ما ونت على الأولاد
تدگ عالراس من شافت أبد ماعاد
تسايل وينه مو فرگاه يفت لفاد
تذوب الروح من ذكراه تحس تطلع
🍃تلطم لحسين//اعله الهامة🍃
❉─────※ ·❆· ※─────❉
ربته وتريد اهوه اليباريها
بعد ماتسمع اليمة ويناديها
لرض لطفوف من راح وگطع بيها
شلون بغيبته تتقبل وتقنع
🍃واتفرهد//وسفة من ايديها🍃
❉─────※ ·❆· ※─────❉
على دروبه تدير العين مالومة
ييوم العاشر امحرم غدة بيومة
لون شافت لرض متخضبة بدمومة
مايحمل گلبها بساعة يتصدع
🍃والحيل اتهدم//بمصابه🍃
❉─────※ ·❆· ※─────❉
عازوها وألها اللطمة شدوها
واصوات الحزن تسمعها علوها
ماجورة ابنينچ ردة وصلوها
رزية البيها لليسمع صدگ يفجع
🍃وتگول مقصرة//الوفاية🍃
تــمــت بــعــون اللـہ
✍🏻#ولائـية_وافتـخر (دعـاء العـامـري)
❌لا أجيــز حــذف الأســم❌
❉─────※ ·❆· ※─────❉
https://www.tgoop.com/DoaaAIamry11
BY ♢الُشِاْعرَةِ وَلُائـيَةِ وَافَتْـٌخرَ♢
Share with your friend now:
tgoop.com/DoaaAIamry11/25728