tgoop.com/DoaaAIamry11/22259
Last Update:
★•• لطمية لـ عبد الله الرضيع ••★
كأني بلسان حال الرباب
رضيعي مهده ظل خالي
رحل عني و شده بالي
-----------------------------------
أعاين مهده واتخيل ضحكته
واجيله بلهفتي واشتم وجنته
كاس المر أنه بفگده جرعته
من حزو وريده ما حضرته
أنوحن والدمع هالي
رحل عني و شده بالي
• ━━━━━━ ❁ ━━━━━━ •
صحت وينك ييمة دَرَّت اثداي
يالمحروم وسفة تموت عالماي
تعال بحظني صرت امتيهة الراي
صحت يمة ييمة استمع رجواي
صفيت ابحال يا حالي
رحل عني و شده بالي
• ━━━━━━ ❁ ━━━━━━ •
لون أدري بعد ميرد الية
وبهذا الدرب يلگى الأذية
أبد ماعوفه آنه للمنية
ياناس اشعظم هاي الرزية
انفطر من عگبه دَلالي
رحل عني و شده بالي
• ━━━━━━ ❁ ━━━━━━ •
المهده الروح تاخذني وتردني
وغاطيني الحزن والهم كتلني
عينوني يوادم راح أبني
چنت حافظته حتى بوسط جفني
من ودعني ما جالي
رحل عني و شده بالي
• ━━━━━━ ❁ ━━━━━━ •
چنت كل لحظة اناغيله وانظره
وهسه اتمنى بس شوفته مره
صرت اسمع صداه واجذب العبره
واركض للثياب اشتمه عطره
بقى بس دمعي يبرالي
رحل عني و شده بالي
✍🏻#ولائـية_وافتـخر (دعـاء العـامـري)
❌لاأجيــز حــذف الأســم❌
• ━━━━━━ ❁ ━━━━━━ •
https://www.tgoop.com/DoaaAIamry11
BY ♢الُشِاْعرَةِ وَلُائـيَةِ وَافَتْـٌخرَ♢
Share with your friend now:
tgoop.com/DoaaAIamry11/22259