tgoop.com/DoaaAIamry11/22257
Last Update:
★•• نزلة لـ علي الأكبر ••★
سل السيف الاكبر
صاح الله أكبر
آنه قادم -- آنه قادم
-----------------------------------
نزل سوح الحرب يهتف أنا أنا أبن الحُسين
وين زلم اللي تگرب صاح و ارتد كل لعين
الوالدي أنا المُحامي أبرز وميهمني بين
بطل فارس مثل عمه زمجر ويخزر العين
سل السيف الاكبر
صاح الله أكبر
آنه قادم -- آنه قادم
✺✺————✺✺————✺✺
شاب يامحلى شبابه هابته أهل الرده
برز چن الحرب عيده التفت عاين والده
ينظره حسين ويحيي وبدعائه ايردده
طشراهم يمنى يسرى جثث خله امدده
سل السيف الاكبر
صاح الله أكبر
آنه قادم -- آنه قادم
✺✺————✺✺————✺✺
حَيَّر عقول بذكاءه رعب بيهم انتشر
اليوم گلهم أمحي كلشي مايظل منكم بشر
والگرب منه يشطره وخله بيهم الأثر
ع العطش بيدينة راحت روس كثرة من بتر
سل السيف الاكبر
صاح الله أكبر
آنه قادم -- آنه قادم
✺✺————✺✺————✺✺
صاح أحنة اهل النبوة ننشر الدين بوعي
لا لا والله أبداً ما يصح لابن الدعي
الدين دين الله ونبية ألنة لازم السعي
يالله يازمرة الأجيتي ديري ظهرچ وارجعي
سل السيف الاكبر
صاح الله أكبر
آنه قادم -- آنه قادم
✍🏻#ولائـية_وافتـخر (دعـاء العـامـري)
❌لاأجيــز حــذف الأســم❌
✺✺————✺✺————✺✺
https://www.tgoop.com/DoaaAIamry11
BY ♢الُشِاْعرَةِ وَلُائـيَةِ وَافَتْـٌخرَ♢
Share with your friend now:
tgoop.com/DoaaAIamry11/22257