tgoop.com/DoaaAIamry11/22244
Last Update:
★•• لطمية لـ أم البنين ••★
(( الوزن دارمي ))
أربع ولد ضحيت لابن الزچية
بس يبقى سالم كون ويرد الية
------------------------------------
أربع ولد يا ناس فدوه يروحون
بس المهم لحسين لا لا يگربون
ولو راد روحي انطي وياها لعيون
سالم أريده يكون وبلاية اذية
•━━•❁•━━•❁•━━•❁•━━•
برد وسلام ادعيت لابن الهواشم
يولادي من وصيت ميگربه ظالم
خلكم عليه كالسور وانتم صوارم
وبجال اخو عباس راعي الحمية
•━━•❁•━━•❁•━━•❁•━━•
غالي وعزيز الروح وبشوفه چن ماي
ومن امرض آنه يكون هو إلي دواي
بدونه دليلي بنار وامتيهة الراي
سافر ملاني جروح وهمومي بية
•━━•❁•━━•❁•━━•❁•━━•
ربيته وسط العين وارباي اريده
يرجعلي هاا يولاد أبن الصميده
ماريد سهم الموت يگرب وريده
گباله ركض سندوه گبل المنية
•━━•❁•━━•❁•━━•❁•━━•
بولادي من ضحيت ماهمني فدوه
هالساع صاحو هاي ساعة الخوه
عمر وبدون حسين گالو ميسوه
بيهم رفعت الراس صانو الوصية
✍🏻#ولائـية_وافتـخر (دعـاء العـامـري)
❌لاأجيــز حــذف الأســم❌
•━━•❁•━━•❁•━━•❁•━━•
https://www.tgoop.com/DoaaAIamry11
BY ♢الُشِاْعرَةِ وَلُائـيَةِ وَافَتْـٌخرَ♢
Share with your friend now:
tgoop.com/DoaaAIamry11/22244