tgoop.com/DoaaAIamry11/22242
Last Update:
(( لطمية لـ العليلة))
★•• السلام على فاطمة العليلة ••★
سافروا لبعيد عني وماخذوني
وادري سفرتهم طويلة ومايجوني
...............................
سافروا أهلي بدرب مامنه رجعة
گلبي اعليهم بقى بي ألف وجعة
اتجرعيت المر أنا المر شيجرعة
غابوا وذبلانة من دمعي عيوني
❉━━━━━❰･❉･❱━━━━━❉
لاغفيت ولاشفت راحة بحياتي
بيوم عافوني أحس لحظة وفاتي
طفى كل نور وتحطمت أمنياتي
صرت اعاتب دارهم مايسمعوني
❉━━━━━❰･❉･❱━━━━━❉
بعدوا دروب بسفرهم وانطر اخبار
طارش المنهم أنطره ويطفي النار
عيني مشبوحة وألوج بعتبة الدار
گلبي الزمته أنا من ودعوني
❉━━━━━❰･❉･❱━━━━━❉
هالسفر حسيته رحلتهم طويلة
شلون اظل لوحدي وزغيرة وعليلة
حملي من يثگل بعد منهو يشيلة
راحوا اهلي وعزوتي الدللوني
❉━━━━━❰･❉･❱━━━━━❉
چم ألم عشته آنه من هذا سفرهم
أعتب وطول علية اشگد هجرهم
والله انه اشتاگيت اشم ريحة عطرهم
بيوم ساروا بالضعن تالي جفوني
✍🏻#ولائـية_وافتـخر (دعـاء العـامـري)
❌لاأجيــز حــذف الأســم❌
❉━━━━━❰･❉･❱━━━━━❉
https://www.tgoop.com/DoaaAIamry11
BY ♢الُشِاْعرَةِ وَلُائـيَةِ وَافَتْـٌخرَ♢
Share with your friend now:
tgoop.com/DoaaAIamry11/22242