tgoop.com/DoaaAIamry11/22240
Last Update:
★•• نزول الضعن الحسيني في كربلاء ••★
(( وزن التجليبة ))
#تقرأ مربعة أو فزاعي أو ثقيل وبعدة ألحان
نزلنة ارض البلا والموت والدمعة
انلچم گلبي شفت بيها الجثث صرعى
-----------------------------------
نزلنة بهالأرض بيها الكرب والنوح
نزل دمعي واحس مني تذوب الروح
چم واحد أشوفه عالرمل مطروح
اجذبت ونة بأثر ونة من الوجعة
❉━━━━━❰･❉･❱━━━━━❉
صحت عباس ياخوية ونظر عيني
احتصر گلبي ردني لا تخليني
أخافن أفگدك لو أفگد حسيني
واظل طول العمر مهمومة منفجعة
❉━━━━━❰･❉･❱━━━━━❉
بخيالي اشچم رزية هنا أشوفنها
وجثث شفت الخيول اللي يدوسنها
حرم نبقى بلا والي المشى عنها
وصدى صوت النوايح بـ اذني استمعة
❉━━━━━❰･❉･❱━━━━━❉
بغرب وبحيرتي أصفى وأظل ياحال
ولهيب النار بالخيمة وألم بـ اطفال
واعدانة تحيط وما تظل لي ارجال
احس الروح مني تذوب كالشمعة
❉━━━━━❰･❉･❱━━━━━❉
بعد شيردنة ونعاود وطن جدنة
للموت احنة جينة وعنهم ابعدنة
يريت اويه الأهل چان الأجل ردنة
بس هنا قدرنة وما بعد رجعة
✍🏻#ولائـية_وافتـخر (دعـاء العـامـري)
❌لاأجيــز حــذف الأســم❌
❉━━━━━❰･❉･❱━━━━━❉
https://www.tgoop.com/DoaaAIamry11
BY ♢الُشِاْعرَةِ وَلُائـيَةِ وَافَتْـٌخرَ♢
Share with your friend now:
tgoop.com/DoaaAIamry11/22240