tgoop.com/DoaaAIamry11/10115
Last Update:
#محرم_1441هـ #2019م
★•• علي الأكبر "ع" ••★
((( نزلة ))) // وزن الهجري //
من طلع من المخيم راح للحومة يريد
ودع امه وعمته زينب والگلب ناره تزيد
بحضنه ضماه الحُسين..
قَّبَله من الجبين..
علي الاكبر <> <> علي الاكبر
............................................
راح گاصد بيده راية ترفرف وسيف وعلم
أبشر ايگله يبوية بزودي يتحقق حلم
ديني هذا وناصره انة أبد ميدوم الظلم
يستقيم الدين بينا وأحنة عد عينك زلم
اعدانة اخليهم وذر..
ما يظل منهم جذر..
علي الاكبر <> <> علي الاكبر
✾✾................✾✾................✾✾
الحومة أگلبها يگلهم وينه اليگرب إلي
زمجر اعليهم ينادي وصوت منه يعتلي
إلا اخليكم رمايه وحق هو جدي علي
والدي يفتخر بية وفخر أنة لكل هلي
بية متخيب الظنون..
يهلي قروها العيون..
علي الاكبر <> <> علي الاكبر
✾✾................✾✾................✾✾
من طلع أمه دمعها عالوجن منها انهمر
تگله يبني وين رايح أنتة يا فلقة قمر
رد لي يمة بانتظارك لا تشب بية الجمر
گلبي ما يحمل غيابك ياضوى كل العمر
تبچي والمدمع يسيل..
جمرة تسعر بالدليل..
علي الاكبر <> <> علي الاكبر
✾✾................✾✾................✾✾
ودع الحرة العقيلة وگلها عمتي يا جبل
رايح انة وماكو رجعة أگطعي مني الأمل
بيچ افكر لو بقيتي واحنة ما واحد يظل
يعينچ الله من عگبنة عالمآسي والوجل
چن جمر شب الگلب..
بزينب و زاد اللهب..
علي الاكبر <> <> علي الاكبر
✾✾................✾✾................✾✾
بحضنه ضماه الحُسين وردد بوجهه الدعاء
قَّبَله وعطره يشمه وكان هذا اخر لقاء
علي رايح للحرايب لبى لاجلي هالنداء
مودع الله يبني يبني وبچت وياه والسماء
يالولد راح الولد..
ياللي ماترجع بعد..
علي الاكبر <> <> علي الاكبر
تــمــت بــعــون اللـہ
11/8/2019
✍🏻#ولائـية_وافتـخر (دعاء العـامـري)
❌لاإجيــز حــذف الأســم❌
✾✾................✾✾................✾✾
https://www.tgoop.com/DoaaAIamry11
BY ♢الُشِاْعرَةِ وَلُائـيَةِ وَافَتْـٌخرَ♢
Share with your friend now:
tgoop.com/DoaaAIamry11/10115