tgoop.com/DoaaAIamry11/10080
Last Update:
#محرم1441هـ #2019م
★•• رثائي لأم البنين لوصف وفاء وشجاعة قمر العشيرة ••★
[ #موشح ]
« وفّى للخوة نطى عين وأيدين »
« بيه رفعي الراس هـا يم البنين »
°°°°°°°°°°°°°°°°°°°°°°°°°°°°°°°
رفعي راسچ بالگمر يفاطمة
صال بالميدان سبع الموزمة
خله بالعدوان نار الحاطمة
هذا أبنچ بالحشر بي تبشرين
★★<>•••<>★★<>•••<>★★
قري عينچ بالبطل راعي العلم
ضحى بالروح وفدى اطفال وحرم
لاجل وعده مارضى يرد للخيم
واعد اسكينة وبقى گلبه حزين
★★<>•••<>★★<>•••<>★★
ظل حزين الكافل الحد الممات
لن بقت عالماي تنتظره امنيات
حاوطته اسهام من گوم الطغات
ولا ملاها جربته صابوله عين
★★<>•••<>★★<>•••<>★★
صوبته اسهامهم وسفة العدَّه
استوحدوه الگوم شافو وحدًّه
بقى فكرة شلون لو خوه افگدَّه
بلاية ناصر يبقى وبلاية مُعين
★★<>•••<>★★<>•••<>★★
ماكو مثله بالشهامة والوفاء
للحشر تشهدله حومة كربلاء
وفّى للخوة وفزع لبى النداء
روحه رَخَصّها فداها للحُسين
تــمــت بــعــون اللـہ
26/6/2019
✍🏻#ولائـية_وافتـخر (دعـاء العـامـري)
❌لاإجيــز حــذف الأســم❌
★★<>•••<>★★<>•••<>★★
https://www.tgoop.com/DoaaAIamry11
BY ♢الُشِاْعرَةِ وَلُائـيَةِ وَافَتْـٌخرَ♢
Share with your friend now:
tgoop.com/DoaaAIamry11/10080