tgoop.com/DoaaAIamry11/10075
Last Update:
#محرم1441هـ #2019م
★•• قصيدة ثقيلة بحق مولاتنا أم البنين ••★
#لحن_قصيدة (أرجعولي/احمد الساعدي)
يودعوني.. واظل بفراگهم دمعاتي بعيني يودعوني
يودعوني.. حملوا بالضعن وانة ابتدا ونيني يودعوني
زينب والنساوين واولادي الضياغم
للغربة يرحلون شيجري الله عالم
يهل دمعي عليهم.. لاحت لي ايديهم
مشوا لبعيد ياحيف.. صارت روحي بيهم
مشوا مشوا.. مشوا سافروا لبعيد
مشوا مشوا.. روحي وياهم تريد
مشوا مشوا.. باثرهم أنة ظليت
مشوا مشوا.. نار بگلبي متهيد
✾❁✾______✾❁✾______✾❁✾
صحت زينب.. ييمة اخذوني متحمل بلياكم صحت زينب
صحت زينب.. تسعر بالگلب نيران فرگاكم صحت زينب
گلب مايحمل فراگ يجرح والله الغياب
تفطر من هالوداع ينبض وين الاحباب
شما بية الزمن مال.. ولا أگطع الامال
هم لية تعودون.. ولاأبقى اعلة هالحال
أعيش أعيش.. أعيش العمر باحلام
أعيش أعيش.. شما شوفن من آلام
أعيش أعيش.. وحدي وادعي الله
أعيش أعيش.. بذكركم ليلي مانام
✾❁✾______✾❁✾______✾❁✾
يا أولادي.. أوصيكم وصية وزين حفظوها يا أولادي
يا أولادي.. أمانة حسين عدكم واخته كفلوها يا أولادي
لوناداكم حسين بعجل يمة تركضون
درع يمه تصيرون چف وعين تنطون
وزينب هالأميرة.. كافلها ابو الغيرة
بزود الگمر عباس.. أبد متشوف حيرة
أمل أمل.. أمل علگته بيكم
أمل أمل.. لحد گطعت أيديكم
أمل أمل.. بيكم رفعة الراس
أمل أمل.. لهذا انة انتخيكم
✾❁✾______✾❁✾______✾❁✾
أصد بالباب.. واتأمل ضعنكم وية حاديكم أصد بالباب
أصد بالباب.. عَزّمتوا الرحيل وعفتوا اهاليكم أصد بالباب
بليل اظلم يالاحباب نويتوا اعلة سفركم
وانظر آثر خطوات وامشيت بآثركم
تهيم اعليكم الروح.. صفى دلالي مجروح
موحش واظلم الدار.. حزين وبي صدى نوح
ينوح ينوح.. ينوح يريد الاحنان
ينوح ينوح.. هجركم خله نيران
ينوح ينوح.. واشتاق لصوركم
ينوح ينوح.. عليكم صار حزنان
تــمــت بــعــون اللـہ
13/6/2019
✍🏻#ولائـية_وافتـخر (دعاء العـامـري)
❌لاإجيــز حــذف الأســم❌
✾❁✾______✾❁✾______✾❁✾
https://www.tgoop.com/DoaaAIamry11
🛑#اللحن_عالرابط⬇️⬇️
مشاهدة "احمد الساعدي | هانت العشره | 2019 (حصريا)" على YouTube
https://youtu.be/PCnuEmm7r5g
BY ♢الُشِاْعرَةِ وَلُائـيَةِ وَافَتْـٌخرَ♢
Share with your friend now:
tgoop.com/DoaaAIamry11/10075