tgoop.com/DoaaAIamry11/10047
Last Update:
#محرم1441هـ #2019م
★•• لطمية هلالية ••★
{كأني بلسان حال مولاتي زينب "ع"}
« أظلم شفت الهلال بظهوره »
« لون الحزن بيه امطفي نوره »
نظرته بحسرتي..
اختنگت بعبرتي..
سال الدمع مدرار -- شب بگليبي النار
« أظلم شفت الهلال بظهوره »
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
أظلم شفته لمن هّل علية
يشرحلي مرار اليسدي بية
وچن گال السفر بيه المنية
آآه بونـة ون ع الغاظرية
هضمني بالجواب..
شفت عظم المصاب..
مني اتغير الحال -- وخابت بية الامال
« أظلم شفت الهلال بظهوره »
✹✹~~••~~✹✹✹✹~~••~~✹✹
حاچيته ودموع العين تجري
ردلي اجواب بية النار تسري
ظلامك هذا مو حير لي أمري
وازداد القهر ضعف اعلة قهري
أون كل العمر..
الگلب يسعر جمر..
يهلال النوايب -- بيك افگد حبايب
« أظلم شفت الهلال بظهوره »
✹✹~~••~~✹✹✹✹~~••~~✹✹
من هذا سفرنة البيه أنويت
يرجعون اخوتي وياية تمنيت
لچن يهلال من شوفك تأذيت
من لون السواد الحسرة جريت
امتلت روحي حزن..
جروحي اتفتحن..
عاللي يسدي بينه -- صفيت انة حزينه
« أظلم شفت الهلال بظهوره »
✹✹~~••~~✹✹✹✹~~••~~✹✹
يهلال الحزن هَدمت حالي
بيك افگد أنة كل الغوالي
يبقى عالوجن هالدمع هالي
وللشام بحبل أنچتف تالي
وحيدة وبالغرب..
مسير امشي الدرب..
بلاية اخوتي الابطال -- عليل وياية واطفال
« أظلم شفت الهلال بظهوره »
✹✹~~••~~✹✹✹✹~~••~~✹✹
چم لوعة وغصص تشرح يالهلال
أعيشن بالهظم من دون الابطال
وبلاية اخوتي يتغير الحال
يراويني الزمان الوان واشكال
شفت حزنك أنة..
آه يهلال السنة..
من لونك تغَير -- أنة أمري تحَير
« أظلم شفت الهلال بظهوره »
تــمــت بــعــون اللـہ
20/5/2019
✍🏻#ولائـية_وافتـخر (دعـاء العـامـري)
❌لاإجيــز حــذف الأســم❌
✹✹~~••~~✹✹✹✹~~••~~✹✹
https://www.tgoop.com/DoaaAIamry11
BY ♢الُشِاْعرَةِ وَلُائـيَةِ وَافَتْـٌخرَ♢
Share with your friend now:
tgoop.com/DoaaAIamry11/10047