tgoop.com/Daher88/3348
Last Update:
نضرت السيده زينب ع الى الرمح فقالت
أول رمّح هز فاطمه
أول جرحَ ينزف دمّه
شايل بشر ناحت إله
أهل الأرض وأهلِ السمه
*
حاجيني يلكلك خشب وبيا ذنب تاذيني
لا يرتفع راسه بعد كل ما عِلَىَ يبجيني
شما عنه اصدن اعتقد تگصر سنين سنيني
اسمع يكلي من الرمح كل ما يصد بعيني
لرقيه لا يوصل ابد
عباس من نومه كعد
وتباوع اعله العايله
اهل الارض واهل السمه
****
بيا ذنب راسك يرتفع وبيا ذنب ظلمونه
شنهو الجرى ومنا حصل وهل الكفر هظمونه
الما تالي قرآن الَعلَي ما يفتهم مضمونه
احنى الذي عن الرجس اهل السماء بعدونه
قبل آدم حسين نولد
ليوصله خر يمه وسجد
حارت ترى بهل مسأله
اهل الأرض واهل السمه
اول بشر ناحت عليه الي يرى ولما يرى
حتى السمه مطرت دمع حد ما صبح طين الثرى
وجبريل من يم السمه والدمع من عينه جرى
وحزنانه صارت مظلمه وصبت دمع ام القرى
مثل الصلاه صاير فرض
وجيوش اميه بيه ترض
ورادت تنصره بكربله
اهل الارض واهل السمه
*
شما عنه اعاين والتفت الگاه يصد لعيوني
يمكن يكول ام الخدر لو لا تغير لوني !
لو ما سلف من الزلم جا كتله شوف متوني
ياخويه من بعدك ترى اهل الكفر ظربوني
اجفوفي مشدوده بحبل
كاتلني يحسين الخجل
وتنظر علي كل الملّه
اهل الارض واهل السمه
يارمح بالك علنحر مو بيرغ وتهتز بيه
حتى السماوت السبع دمّعَت وانته تعليه
جرحه طري لا يلجم باجر الباري شيرضيه
هذا محمد لو سجد حتى بسجوده يداريه
تدمع تباوع للعين
ياربي عاين لَحِسين
بروحه بقت متعلعله
اهل الأرض واهل السمه
*
يونس كريم الزيداوي
https://www.tgoop.com/Daher88
BY الرادود ظاهر الخيگاني للنشر والتلحين
Share with your friend now:
tgoop.com/Daher88/3348