tgoop.com/Batool1998Batool/989
Last Update:
نعي في رجوع زينب الى دار الحسين
عليهم السلام~~
يادار وين اهل الحميه
وشالو احبابي أل يا نويه
ماردو اعليچ ولا عليه
فلت الاخوه وهاي هيه
➖➖➖➖
يادار راحو ما. يردون
وعنچ وعني ماينشدون
وحلفت اله اعميها العيون
زينب انه ومتغير اللون
خادمة أهل البيت ام ابراهيم الحلفي
◾◾◾◾◾◾
راحو هلي رديت وحدي
من الهظم ممرود جبدي
رديت الك يابلد جدي ~~
على عتاب دار امي الحنينه
صحنه وينكم يهلي وبجينه
ماواحد الي كعد لينه ~~~
رديتلج يادار اهلنه
متعوبه حيل اجذب الونه
وحبابنه ماردو النه~~
رديتلج مشدوه بالي
حرمه وحيده بغير والي
لاتنشديني عن دلالي.
ام ✍️ علي الموسوي
◾◾◾◾◾◾
لا تنشديني الصار ما صار
ضلي خاليه ما تطب خطار
مذبوح ابن حامي الجار ~~
مذبوح ضل اعله الوطيه
وانه الدهر ما رحم بيه
رديت وانه اصفك بديه
ام زين العابدين لمحمداويه
◾◾◾◾◾◾
وعلئ فراككم شلون بيه
خلاني دهري اصفك بديه
محد نشد يهلي عليه
وديرانكم ضلمه وخليه~~~
ضلمه بعدكم ياهلي الدار
وعليكم يهل الدمع مدرار
من فكدناكم صرنه طشار
العلويه بتول الهاشمي
◾◾◾◾◾◾◾
تمت بفضل الله وعونه بأقلام خادمات الحسين في رابطة قتيل العبرات غير مبري الذمه من يحذف الاسماء أو ينسبها له. https://www.tgoop.com/Batool1998Batool
BY قناة احزان الزهراء الشاعره العلويه بتول الهاشمي
Share with your friend now:
tgoop.com/Batool1998Batool/989