tgoop.com/Batool1998Batool/5003
Last Update:
قصيدة شكوى للامام العباس عليه السلام
وزن موشح ~~~~~
اجيت اشكيلك يغالي اجروحي
من الحزن واهمومي راحت روحي~~~~~
يابو فاضل حيل ماظل بيه
وجيت احلفك بالمشت مسبيه
خلي عينك يبو الغيره اعليه
من ونيني مايهود نوحي
*بتــ✍️ـول الكربلائيه*
~~~~
بعد للشوغات مااحمل بعد
ضعف حيلي والجسم مني برد
منك اطلب يخو زينب المدد
بالمشت وعيونها لك توحي
*ام منـ✍️ــذر الحجار*~~~~
جيت اشكيلك واذبن معصبي
ورايده منك شكوتي ومطلبي
عليك امشي الماتت بدرب السبي
دمعي وعتابي صفن مسفوحي
*ام محـ✍️ـــمد المحمداويه*~~~~
من ونيني الحسره تسبك دمعتي
وانه اعرفك تنطي حل بشكوتي
زادن همومي علي اوعلتي
انه اريدن وگفتك حد لوحي
*الشاعره العلويه بتــــ✍️ــول الهاشمي*~~~~
يمك الحاجات تقضي ياسبع
اليوم احلفنك انه بكسر ضلع
كلها اتبرت فلا ضلت ربع
تون روحي ون حمام الدوحي
*الشاعره ام روكـــ✍️ـــان الشمري*~~~~
ماترد اليوگف اببابك صحيح
انت للمهموم وتداوي الجريح
البابك اتعنيت يا عباس اصيح
كثرت همومي علي واجروحي
*ام مهـ✍️ـــدي المياحي*~~~~~
من ونيني مايهود نوحي دوم
نحلاني المرض حارمني نوم
اشتكيلك حالتي بابك اليوم
نظره يامولاي سكن موحي
*ام نــ✍️ــــور الباقرالمالكي*~~~~
*تمت بعون الله باقلام شاعرات رابطة ذبيح الغاضريه 1 لانجيز حذف الاسماء ونسألكم الدعاء*
✍️✍️✍️✍️✍️
https://www.tgoop.com/Batool1998Batool
BY قناة احزان الزهراء الشاعره العلويه بتول الهاشمي
Share with your friend now:
tgoop.com/Batool1998Batool/5003