tgoop.com/Batool1998Batool/3118
Last Update:
قصيدة ثقيله استشهاد الإمام محمد الجواد عليه السلام
__
ابو الهادي يون و اليوم. مسموم
وگلبه ابسم بني. العباس ملجـــوم
بالســــــم انمرد چـبده
كضه واليوم اجه وعــده
يون ابني النبي والحيل معدوم
__
بالسم خلص عمرك ياتاسع العتره
انعازي علينه ونعازي امك الزهره
يالمسموم تصرخ وبقت تهمل العبره
بالغربه خلص حيف ابن الساده عمره
خل تحضر بني هاشم
ابنهم بالغـــــــرب نايم
يون ابن النبي والحيل معدوم
*الشاعره العلويه بتول الهاشمي*
__
مسموم واجه.الموت وتكطع دليلك
بعد ماتگدر اتكوم مولانا اعله حيلك
دليل الله وأمامي يالماكو. مثيــــلك
شيعه وعدنه. حاجات اجينه نشتكيلك
امام وشوفتك. رحمه
كفو ياتاســــع. اليمه
يون ابن النبي والحيل معدوم
خادمة اهل البيت ام ابراهيم الحلفي
__
گلبه.المولى مسموم ولايمه امن الاحباب
كضه وباخر انفاس، بالسم ابن الاطياب
فوگ السطح مطروح وحر الشمس لهاب
صايم گلبه ايفور. بالسم ويلي انصاب
عنك غابت الوادم
ميت هالسيد وعالم
يوم ابن النبي والحيل معدوم
✍️هدى المطر ام محمد
____
الجواد اليوم مسموم محد يتجيله
الزهره هالمسه اتنوح وتشتكيلـــه
تون ونه شجيه وهمومه ثگيــــــله
من السم يويلي روحه اشگد نحيله
ادموع اعيونه يجريها
والسم روحه كاظيها
يون ابن النبي والحيل مهدوم
✍🏻الشاعره عاشقة كربلاء الطف ام محمد آل درويش
_
مسموم ابو الهادي خل.تلطم احبابه
ضل فوك السطح دوم محد يدك بابه
ضل يدير عينه من سمه. وعـــــــذابه
ذب چبده وحسرته الي تخفف مصابه
يالبسم خلص عمره
اوليدج مات يزهــــــرة
يون ابن النبي والحيل معدوم
ام علي البيضانيه
_
تمت بفضل من الله باقلام خادمات رابطة ام الحسن غير مبري الذمه من يحذف الاسماء وينسبه له
https://www.tgoop.com/Batool1998Batool
BY قناة احزان الزهراء الشاعره العلويه بتول الهاشمي
Share with your friend now:
tgoop.com/Batool1998Batool/3118