tgoop.com/Batool1998Batool/2510
Last Update:
قصيده وزن موشح
ليلة ٢٠ رمضان
للامام علي عليه السلام
..
اليله زينب بت علي محتـاره
بمصاب ابوها ادموعها تتجاره
ـــــــــــــــــــــــــــــــــــــ🏴
الليلـه زينـب بالهظم يــاحالها
بموتتك خابت جميع آمالها
زينب امن الضيم غاب اخيالها
اخ من ضيم الزمن واخطاره
✍️ام رقيه الحسناوي ( ناصريه)
ــــــــــــــــــــــــــــــــــــــــــ🏴
اليــــوم زينــب ليلهه متـنامه
شافت الوالي انطبر عله الهامه
اه يــفراگ. الابــــــو والامه
يـضهر المهدي ويــاخذ ثـاره
✍️ام علي البيضانيه
ــــــــــــــــــــــــــــــــــــــــ🏴
زينب اليله تنادي يــاعلي
اتصيح بويه ابصوت ماترجع ألي
يابعد روحي او ويناسي و هلي
جفني من بعدك تهل عباره
✍️العلويه بتول الهاشمي
ــــــــــــــــــــــــــــــــــــــ🏴
الدمع من عينه مثل السحاب
ادعي الله يعينهه بهذا المصاب
اشكثر شافت زينب انواع العذاب
الدنيا وياها اسف. غداره
✍️خادمة اهل البيت ام ابراهيم الحلفي
ــــــــــــــــــــــــــــــــــــــــــ🏴
الفاكده اليوم الولي انعازيها
راح من عدهه علي ا ناسيها
شلون بتك يلابــــو أمخليها
ابموت ابوها الگلب تلهب ناره
✍️ام سعد
ـــــــــــــــــــــــــــــــــــــــ🏴
لا تبطيهه يبويه سفرتك
انتهت روحي ياولینه أبفركتك
غالي وتصعب علينه نومتك
عمري من بعده تضيع اخباره
✍️ام علي الطرفي
___ــــــــــ🏴
تمت بحمد لله
بأقلام شاعرات اهل البيت
عليهم السلام
في رابطة خدام ام الحسن
لايجوز حذف الاسماء❌❌
https://www.tgoop.com/Batool1998Batool
BY قناة احزان الزهراء الشاعره العلويه بتول الهاشمي
Share with your friend now:
tgoop.com/Batool1998Batool/2510