tgoop.com/Batool1998Batool/2507
Last Update:
قصيده مولانتا فاطمه الزهراء عليها السلام
وزن تجليبه
😭😭😭😭😭
نعازي الرسول وحيدر الكرار
بفگدج فاطمه ظل الوصي محتار
😭😭😭😭😭
شالت فاطمه وظلينه ايتامه
زينب بس تون اعله امها محتامه
راح اويه الحنينه عمري وايامه
يحرك بالدليل فراگها يشب نار
*✍️ العلويه بتول الهاشمي*
😭😭😭😭😭
يحرگ وبدليلي نار فرگاها
شالت يالعزيزه او وين نلگاها
عدنه غاليه ويامحله ملگاها
عفتينه يتامه كلنه يمه زغار.
*زمــــــ✍️ـــن حاتم الربيعي*
😭😭😭😭😭
اعاين لخوتي وايذوب دلالي
يافگد الحنينه غير احوالي
بعيني الدنيه ظلمه وسود الليالي
مابطل دموعي تجري ليل انهار
*ام منــ✍️ـــــذرالحجار*
😭😭😭😭😭
بعيني الدنيه ظلمه وحيل محتاره
لعب بيه الزمن مااقبل اعذاره
يسعر يادليلي وتجوي ياناره
ضلعج صوبوه عليمن الاشرار
*ام زهــــــــ✍️ـــــراءالفاطميه*
😭😭😭😭😭
يافگد. الاميمه بالگلب. جمره
بعدها الدنيا موحلوه شكثر مره
يروحي.بروحتج مخنوگه بالعبره
عافتنه يتامه اصغار موش اكبار
*ام مـــــــ✍️ـــــازن*
😭😭😭😭😭
محتار الوصي ودموعه هماله
من شاف الضلع متهشم شحاله
عين يصد عليهه وعين لطفاله
ظل يبجي الصميده والدموع اعبار
*ام مرتـــــــ✍️ــضى الخفاجيه*
😭😭😭😭😭
*تمت بعون الله باقلام شاعرات رابطة ذبيح الغاضريه 1 لانجيز حذف الاسماء ونسألكم الدعاء*
✍️✍️✍️✍️✍️
https://www.tgoop.com/Batool1998Batool
BY قناة احزان الزهراء الشاعره العلويه بتول الهاشمي
Share with your friend now:
tgoop.com/Batool1998Batool/2507