tgoop.com/Batool1998Batool/2001
Last Update:
قصيدة بحق مولانا موسى الكاظم عليه السلام
وزن نصاري
☆⋖❁⋗•★•⋖❁⋗☆
نصبـناها الجوادر لأسد بغداد
عـنه اهله وعمامه كلهم ابعاد
☆⋖❁⋗•★•⋖❁⋗☆
نصــبــــنــاها العزيـه يامولانه
تبجي احبابه هاليوم وحزنانه
الزهره بالعـزا حاضـــره ويانه
تلگــوها بالطـم ولبسو اسواد
*ام زيـ✍ــــن العابدين المحمداويه*
☆⋖❁⋗•★•⋖❁⋗☆
تلگـوها بالطم عالمات مسموم
وصيحو يالغريب بكلب مالوم
علـى اولادج يزهر بينها يحوم
گضــو گلهـم چـتل يالب الافاد
*ام زيـــ✍ــن العابدين المحمداويه*
☆⋖❁⋗•★•⋖❁⋗☆
ضــل عالجسر يســتاهل الونة
بحــــزن تنصب الشيعه مآتمنه
غريب الوحدة مطروح سيدنة
تستـاهـــــــل لطم ياباب مراد
*العلوية ام كــ✍ـــرار الغالبي*
☆⋖❁⋗•★•⋖❁⋗☆
يستاهـــــــل لطم ابــن الزهره
نـــــون بصدورنا مكسره لعبره
ويلي علئ الكاظم گضه بحفره
عـــــنه أهله بعيده ابغير بلاد
*العلويه بتــ✍ــــول الهاشمي*
☆⋖❁⋗•★•⋖❁⋗☆
ياوسفه كضه مــــــــولانه هاليوم
بسجن اظلم يويلي يموت مسموم
اون اعليه وعيني محــــاربه النوم
وعلــــــيك الحــيل يامولاي هالباد
*رشـــــ✍ـــا الفتلاوي*
☆⋖❁⋗•★•⋖❁⋗☆
ويـــلي عالگضة بزنـــــزانة ظلمة
ولاواحـــــد مــــــن احبابة اليمة
مــــن يخبر ابــــــــو محمد بهمة
ياموسى ابن جعفر حزني الك زاد
*العلوية ام كـ✍ـــرار الغالبي*
☆⋖❁⋗•★•⋖❁⋗☆
يستاهل ندك نلطم على الراس
هـاذا ابــن الحياده وعمه عباس
الدگـو للعدل اجداده كل ساس
مــن طيب واصل ياولد الامجاد
*ام رحــــ✍ـــــمه الكاظميه*
☆⋖❁⋗•★•⋖❁⋗☆
ــ*تمت بعون الله باقلام شاعرات رابطة ذبيح الغاضريه 1 لانجيز حذف الاسماء ونسألكم الدعاء*
✍️✍️✍️✍️✍️
https://www.tgoop.com/Batool1998Batool
BY قناة احزان الزهراء الشاعره العلويه بتول الهاشمي
Share with your friend now:
tgoop.com/Batool1998Batool/2001