tgoop.com/Batool1998Batool/118
Last Update:
نعي طور الفراق
زينب عند عودتها لدار اخوتها
تنعى
++++++++++++
بالمگابر.. عزاز روحي صفو كلهم
بالمگابر.. وحشه ضل خالي نزلهم
بالمگابر. .نومه ياوسفه عفتهم
بالمگابر. . ماابطل وني عنهم
*العلويه بتـــــ✍ول الهاشمي*
+++++++++++
راحوا اهلي. بدارهم ظليت وحدي
راحو اهلي، دمعتي تجري عالخدي
راحوا اهلي، اعزاز. گلبي وثمر. جبدي
راحو اهلي، وانتها اويه اخواني عهدي
*ام مـــــ✍ـازن*
++++++++++++
من رجعنه..وبيت اهلنه شفته خالي
من رجعنه ... مغبر اولا ماحلالي
من رجعنه ..بس دمع عيني يلالي
من رجعنه ...بكربله عفت الغوالي
*ام زهــ✍ـــراءالفاطميه*
+++++++++++++
اه يگلبي ،،،الدار مابيها ضوه
اه يگلبي،اهلنه نومه بينوى
اه يگلبي،،بريتي مخنوك الهوه
اه يگلبي ،،ردت موتتنه سوه
*ام محــ✍ــــمد الساري*
+++++++++++++
من بعدهم٠٠٠ عمري انه ما أريده
من بعدهم٠٠٠ وني اونوحي ازيده
من بعدهم٠٠٠ ظلي ياروحي وحيده
من بعدهم٠٠٠ رايحه الديره بعيده
*ام احـ✍ـمد المنصوريه*
+++++++++++++
والله حيره،گلبي مايهوه بعدهم
والله حيره،،، عيوني متفارك رسمهم
والله حيره،،،الموتي ماانسه ذكرهم
والله حيره،،، عمري مايحله ابفگدهم
*ام حسـ✍ــــــن البدري*
++++++++++++
*تمت بعون الله باقلام شاعرات رابطة ذبيح الغاضريه 1 لانجيز حذف الاسماء ونسألكم الدعاء*
✍️✍️✍️✍️✍️
https://www.tgoop.com/Batool1998Batool
BY قناة احزان الزهراء الشاعره العلويه بتول الهاشمي
Share with your friend now:
tgoop.com/Batool1998Batool/118