tgoop.com/Batool1998Batool/1133
Last Update:
قصيده وزن فائزي
وكأني بزينب الحوراء تناشد امها الزهراء عليهُن سلام الله
•───✧◐❀◐✧───•
يوميه انعه بغرفتج اه يالزچيـــــه
شنهو ييمه العطلج ماجيتي ليــــه
•───✧◐❀◐✧───•
يوميه انعه بغرفتج ودموعي تجري
مرن ييمه چم وكت ماگلتي بــــزري
واني زغيره وحايره وحيرني دهري
من يوم غبتي ودمعتي ظلت جريه
*أم عبـــــــــ✍️ـــد اللـــــــه العـــــابدي*
•───✧◐❀◐✧───•
من يوم غبتي والنزل يم حسن خالــــي
بس غفت عينج وايست مدري شجرالي
عفتيني وحدي وحايره والضـيم حالـي
انظر ديارج موحشه وظلمه وخليـــــه
*ام عــــــــ✍️ــــــــلي البابلي*
•───✧◐❀◐✧───•
يوميه تهمل دمعتي من نار الافـــــــراك
ابجي واون من غيبتج وكليبي مشتاك
جتال يوم الوالده وللگلب حــــــــــراك
ياهي العكب عينج تجي وتنشد اشبيه
*هديـــــــــ✍️ـــل المياحيه*
•───✧◐❀◐✧───•
من يوم غبتي يالحنينه وروحي عندج
ماليه حيل افراكچ وشنهو اليــــــردج
ردي يشفجه لبيتچ ومشتاكه احظنج
وين الله يايمه ويرد ضعنج عليـــــــه
*ام محمــــــ✍️ــــد الساري*
•───✧◐❀◐✧───•
مرت ييمه جم سنه وانتي بعيـــــده
مشتاكه اشوف ارسومج ونمتي وحيده
راح العمر وياج وشنهو اليعيـــــــــده
وابجي واونن حيل بذيج الثنيــــــه
*ام زهــــــــــ✍️ــــراء الفاطميه*
•───✧◐❀◐✧───•
مشتاگة يمه لشوفتج يم گلب الحنين
دنياي صارت مظلمه وعميانه العيـــن
زينب أنه بعدج ضعت اشلون تغفيــن
تمنيت تتبدل يالحبيبه المنيــــــــــه
*أم علــــــ✍️ــــــي دمعة لقاء*
•───✧◐❀◐✧───•
البيت وحشه يم حسن يمه علينــــه
ضلمه غرفتج وانطفت وشلون بينـه
ضلمه وخليه دارنه وين الحنينــــــه
محتام گلبي لگعدتج ماعدتي ليـــــه
*العلويه بتـــــ✍️ـــــول الهاشمي*
•───✧◐❀◐✧───•
من رحتي عني يم حسن دلالي ارتـاع
مگدر اتحمل فرگتج ياحلوه الاطبـاع
البنيه ماتقدر تعيش بوكت الــــــوداع
احتاج يمه جيتچ للغاضريـــــــــــــــه
*ام مــــــــ✍️ـــــازن بحرين*
•───✧◐❀◐✧───•
*تمت بعون الله باقلام شاعرات رابطة ذبيح الغاضريه 1 لانجيز حذف الاسماء ونسألكم الدعاء*
https://www.tgoop.com/Batool1998Batool
BY قناة احزان الزهراء الشاعره العلويه بتول الهاشمي
Share with your friend now:
tgoop.com/Batool1998Batool/1133