tgoop.com/Batool1998Batool/1130
Last Update:
نعي مجرد للزهراء ع
🖤▬▬▬▬▬▬▬▬
فراگج صعب يمه علينه
لاهو بديـچ ولا بدينـه
استاهدچ كلش حنـينه
وصعبه عليــج. تفارگينه
وشبيدنه عالكاتبه الله
ام حسن يمه
*العلويه ام مرتــــ✍️ـــضى الموسوي*
🖤▬▬▬▬▬▬▬▬
ازغار يحبيبه و فگدناج
تعيشين دوم ويانه ردناج
ردي علينه اجينه نرجاج
تعودين يمه. نلتم احذاج
يالغاليه يم روح الحنينه
*ام زهـــــ✍️ــــــراءالفاطميه*
🖤▬▬▬▬▬▬▬▬
اترديــــلي عنيتي عليه
عالفرگه يمه اشلون بيه
دمعاتي هالضلت جريه
دارج صفت ظلمه وخليه
رحتي بعجل وسفه يمه
*العلويه بتـــ✍️ــــول الهاشمي*
🖤▬▬▬▬▬▬▬▬
يحبيبه يــــازهـرة زماني
طولج حلــو وزينة معاني
هالدهــــر وسفه صوباني
بجمـــــراته ابگلبي جواني
يم حسن يمه وماي عيني
*سلـــ✍️ـــــمى أم جعفر*
🖤▬▬▬▬▬▬▬▬
ماحسبت عني تشـــــيلين
يمه بعدنه ازغــــار تدرين
ماوصل عمرج يمه عشرين
تعوفينه ياوسفه وترحلين
حبيبه يمه
*ام جعــ✍️ــــفر الواسطي*
🖤▬▬▬▬▬▬▬▬
يمه الهوه لو حرك الباب
جن ردت امي من الغياب
ثاري الهوى والباب جذاب
امناطره شمــاطال الغياب
عميه على الغياب عيني
*ام جعـ✍️ـــــفر الواسطي*
¸🖤▬▬▬▬▬▬▬▬
*تمت بعون الله باقلام شاعرات رابطة ذبيح الغاضريه 1 لانجيز حذف الاسماء ونسألكم الدعاء*
✍️✍️✍️✍️✍️
https://www.tgoop.com/Batool1998Batool
BY قناة احزان الزهراء الشاعره العلويه بتول الهاشمي
Share with your friend now:
tgoop.com/Batool1998Batool/1130