tgoop.com/Batool1998Batool/1128
Last Update:
قصيده الى أربعين الام الحنونه
وزن نصاري
ــــــــــــــــــــــــــــــــــــ
أربعين امي الحنينه صاير اليوم
اون وابجي عليها وگلبـي مالوم
ــــــــــــــــــــــــــــــــــــ
اريد ابجي عليها وادمـي العين
وجهج غاب عنه ام گلب الحنين
ردتج يالحنينــــــــه لا تروحين
غيابج عذباني وگلبـــي ملجوم
✍️ # *العلويه بتول الهاشمي*
ــــــــــــــــــــــــــــــــــــ
اربعيـــــن انهار عده اومااجتنه
وكــــــــل هاي الايام امفارگتنه
تذكــــــــــرنه بعدها لو نستنه
نذكـــــرها ودمعنه يهمل ادموم
*ام منـــ✍️ـــــذر الحجار*
ــــــــــــــــــــــــــــــــــــ
صــــــــار الاربعيـــــــن اويسينه
صـــــدك يمنه الحنينه مـا تجينه
عليج ابنج تهـــل ادمــــوع عينه
مـــن عطفج صبح يايمه محروم
*ام احــــ✍️ــــمد المنصوريه*
ــــــــــــــــــــــــــــــــــــ
اصــــــدن للمكـان البيه گعدنه
الـــــروح تــروح مني واجر ونه
ليش الدهــــر يـــــايمه بعدنه
اأيس لـــــو اظــل برجاج للدوم
*ام محــــ✍️ــــمد الساري*
ــــــــــــــــــــــــــــــــــــ
اأيس مــاتـــــــرد يـــاذيج الايام
مــــن جنه ســـوه وبحضنج انام
بعــــدج يالحنينه صـــــرنه ايتام
لفـــراگج صبـــح يالحيل مهدوم
*مريــــ✍️ـــــم الحجيمي*
ــــــــــــــــــــــــــــــــ
*تمت بعون الله باقلام شاعرات رابطة ذبيح الغاضريه 1 لانجيز حذف الاسماء ونسألكم الدعاء*
✍️✍️✍️✍️✍️
https://www.tgoop.com/Batool1998Batool
BY قناة احزان الزهراء الشاعره العلويه بتول الهاشمي
Share with your friend now:
tgoop.com/Batool1998Batool/1128