tgoop.com/Batool1998Batool/1125
Last Update:
نعي طور الفراق
زينب تنعى الزجيه ع،،،
ــــــــــــــــــــــــــــــــــــــــ
اه يويلي،،ضاعت امي من اديه
اه يويلي،، شالت بهاي المسيه
اه يويلي،، ستعجلت بيها المنيه
اه يويلي،، ياعظمها من رزيه
✍🏻 ام سجاد الشهيد
😭😭😭😭😭😭😭
اه يزهره انتي روحي وكل حياتي
اه يزهره صرتي كل طيف امنياتي
اه يزهره ابقه انعاج المماتي
اه يزهره وياج راحت ذكرياتي
✍🏻ام رحمه
😭😭😭😭😭😭😭
اه ييمه روحي راحت من يردها
اه ييمه بس عطر اشتم وردها
اه ييمه يافجوتج من يسدها
اه ييمه اتمنه احط خدي علخدها
✍🏻نرجس العبيدي
😭😭😭😭😭😭😭
اه يالحنينه.. ياهو ليعوض مكانج
اه يالحنينه. رحتي وين الگه حنانج
اه يالحنينه..ابد يلماكو مثالج
اه يالحنينه.. وسفه ضيعنه زمانج
✍🏻العلويه بتول الهاشمي
😭😭😭😭😭😭
روحي راحت.. صارت بعيني اسيره
روحي راحت، ماتت امي الاميره
روحي راحت.. روحي من بعدچ بحيره
روحي راحت ضيعتج والله جبيره
✍🏻 ام زين العابدين
😭😭😭😭😭😭
آه يروحي صرت من بعدچ يتيمه
آه يروحي عشنه بظلج يخيمه
آه يروحي حلوه بلساني اميمه
آه يروحي وحدي اظلن ياهضيمه
✍️هدى المطر ام محمد
😭😭😭😭😭😭
آه يزهره عليچ ليلي ما انامه
آه يزهره يمه عفتينه يتامه
آه يزهره حيدرچ ذب العمامه
اه يزهره. والحزن خيم ظلامه
✍🏻ام حسين العيساوي
➖➖➖➖➖➖
تمت بااقلام خادمات أهل البيت في رابطة سيد الشهداءع ✍🏻
🙏🏻🙏🏻نسألكم الدعاء 🙏🏻
قناة السجاد ع للقصائد الحسينيه لشاعرة اهل البيت ع ام سجاد الشهيد لا نجيز حذف الرابط او الاسم
https://www.tgoop.com/Batool1998Batool
BY قناة احزان الزهراء الشاعره العلويه بتول الهاشمي
Share with your friend now:
tgoop.com/Batool1998Batool/1125