tgoop.com/BAK111/9235
Last Update:
📌 الكرة بملعبك هلق
ادرس بتنجح اتعب بتوصل للقمة
نام بترسب ضيع وقتك بتضيع حلمك
📌 النجاح مو سهل ابداً
بدك تتعب وبدك تبكي وبدك تسهر وبدك تضعف
بس بالنهاية رح تنسى لما تسمع نتيجتك
وتشوف ضحكة امك
📌 كل إنسان قادر على النجاح لما يعرف يشتغل
الدراسة لوحدها ما بتكفي لتنجح
بدك صبر كمان لحتى تنجح
بدك قوة كمان لحتى تنجح
بدك كتير شغلات لتكون إنسان ناجح
ركز على كل شي وما تترك شي
ورح تشوف النتيجة إلي رح تفرحك
📌 حكي ناس لا بقدم ولا بأخر
غايتك هي الاستمرار وبدون الاستمرارية
مافي نجاح ....
الاستمرارية غاية ضرورية لأي عمل
خلي همة البداية متل همة النهاية
حاول ما تضعف من أول كلمة
حاول تقوى لما تسمعهن عم يحكوا عليك
حاول تكسر عيونهن وتقلهن" انا إنسان إذا أنا قادر
📌 الخوف لازم تنساها لأنو هالشي مو كويس
فكر دائما بالشغلات الإيجابية
ما تفكر بالشغلات السلبية
فكر إنو اول المادة رح تكون سهلة
هيك بتكون قضيت على الخوف
دائما حط قدامك الشغلات الحلوة والإيجابية
وبعد عن السلبية لتنجح فعلاً
📌 الجامعة حلوة وهي المرحلة الثانية
من حياتك ....
مو بالضروري تكون دكتور
ومو ضروري تكون مهندس
أهم شغلة إنك تكون ناجح بفرعك
البلد بحاجة مهندسين وممرضين
ودكاترة ومعلمين....
📌 ادرس كلشي وما تترك شي نهائياً
كلشي هام بالامتحان دائما موجود بكتابك
مافي حذف للمنهاج ....
مافي اسئلة صعبة .....
الاسئلة من المنهاج ....اذا ظارس رح تحل بسهولة
واذا مالك دارس رح تلاقي صعوبة
مافي تأجيل للامتحانات
رح تشتري الموبايل بعد نجاحك
رح تتطلع بعد نجاحك
رح تلعب الطابة مع رفقاتك
📌 بس خليكن واثقين بحالكن
ورح تشوفوا حالكن بعد كم شهر بالجامعة
وبعدها بكم سنة رح تشوفوا الحياة العملية
#كيف_درست_كيف_تفوقت💚
#سلسلة_التجمع_التعليمي✅
BY التجمع التعليمي || ملفات الـ pdf
Share with your friend now:
tgoop.com/BAK111/9235